A Hnokmi Thianfai

February 24

Tlawngkai Nihnih

A Hnokmi Thianfai

 Siar: Ruth 1:15-22

 Hi tiin Cungnungbik Bawipa in i hmang ih i tisiat tik ahhin ziangah so, nannih in, Naomi, lungawi nu, tiah in kawh duh rero. – Ruth 1:21

 Kumkhat Sung Baibal:          Mipum. 9-11           Marka 5:1-20

 Naomi ih thu kan siarmi cu a hnokzet. Paam a tlung ruangah rawl hawl dingin a pasal thawn moab ram ah an feh. Cutawk ram ih an umlai ah a fapa pahnih in Moab nunau an tthit ih a pasal le a fapa pahnih an thih tiang nunnuam in mih ram ah an um. Sihmansehla nuhmei ah a rung cang.

Naomi cun a tuarnak a harzet ko nain thil cangmi parih thuneitu zo a si ti fiang tein a thei. “Cungnungbik Bawipa in i hnong ih i tisiat” a ti (Ruth 1:21).

Hebru ttong ih Shaddai (Cungnungbik) cu ziangvek caan khalah kan ttulnak ah a famkim tinak a si. Yahweh (Bawpa) timi ttong cu Amai’ rin-umnak le duhdawtnak thukam kai hngettu Pathian a ti duhnak a si. Naomi in hih hmin pahnih a hman tlang sannak cu a phunzainak sung hmanah a Pathian cu thiltitheitu le rintlak a sinak a hloter lo ti a langter. Cu taktak ah Pathian cu Naomi ruun thei dingin le a cemnet tiang kilveng thei dingin a thiltitheinak le rintlak sinak a langter.

Na beidongnak ihsin luatnak a um lo tiin na ruat asile, Naomi ih Pathian cu na Pathian a si ve ti mang saal aw. Amah in kan buainak cu tthatnak le sunlawinak ah a canter thei. Amah cu thiltitheinak le rintlak sinak neitu a si. Cuhrangah na nunnak ah buainak a um le na Pathain cu zo a si ti mang saal ringring aw.

                                                                    Phang hlah ka thlarau, na Pathian in ttuanvo a la ding,

Hmailam hruainak dingah dunglam thu a thei;

Na ruahsannak le rinsannak in zianghman a hnin thei lo,

Mangbangza thil hmuahhmuah netabik ah an lang thluh ding.

 

Dunglam ah ding awla Bawipa in na buainak sungin

sunlawinak a suahter zia zoh aw.

(Visited 17 times, 1 visits today)

Comments

comments

Comments

%d bloggers like this: