A Hngetmi Innhram

January 13

Zarhpi Ni

 

A Hngetmi Innhram

 

Bible Siar Ding: 1 Korin. 3:9-15

 

Ziangahtile Pathian in Jesuh Khrih cu Innhram thupibik dingah

a ret zo ih innhram dang ttoh bet a theih lo.

–         1 Korin. 3:11

 

Pathian in leilungpi seemsuah dingih innhram pi a tuah hlan ah, kan rundamnak ding innhram pi a tuah hmaisa. Pathian minung a sersiam hlan ah, zo in a dodal dingih remter saalnak a ttul ding, cumi hrangah Pathian in innhram a tuah cia. Pathian thawn kan pehzom awk saal theinak dingih kan rundamnak innhram cu Jesuh Khrih lawng a si.

Tuni ah, a cokpolhmi (assorted) biaknak pawl in Pathian hnenih thlen theinak dingah lamzin tampi a um ti’n an zirh. Pakhat cio in danglamnak an nei, an thei fiang maw fiang lo maw, a bang awmi innhram an nei: an simmi cu mahte zuamnak (self effort) hi a si. Anmah thluntu pawl an taimak asile, a dikmi daan an thlun thei asile, thil ttha an tuah thei asile, vanram, (heaven, nirvana, utopia) kan tuah thei ti’n an ruat.

Cumi thawn kalhkeh aw in, Paul le tirhthlah pawl in kawhhran ih a fekmi zumnak innhram an rak dinmi cu Jesuh Khrih le a hnatuannak lawng a si. Himi siar lo innhram dang kan dinh ahcun kan innhram cu a sual (faulty) ih kan biaknak cu kanmai’ zuamnak ih cuaithlai a si ding.

Jesuh Khrih lawng hi a dikmi, a thianghlimmi le kumkhua in a hmun dingmi innhram pakhat umsun a si.

 

Thianghlim Bawipa, Na Fapa sungah ka hrang a hngetkhohmi rundamnak innhram na sakmi parah lungawithu ka lo sim.

Nangmah thawn kan pehtlaih awk theinak dingah

thil dang zianghman hngatsantu si lo dingin in bawm aw.

Pathian ih innhram tuah ciami tlunah ziangmi si ka bet tum?

 

@Ava Pennington

(Visited 27 times, 1 visits today)

Comments

comments

Comments

%d bloggers like this: