A Hmunmi Duhdawtnak

February 13

Tlawngkai Ninga

 

A Hmunmi Duhdawtnak

 

Siar:

1 Kor. 13:1-8

 

Duhdawtnak cu a bei a dong mai dah lo. A zumnak, a ruahsannak le a thinsaunak cu cem ni a nei lo. – 1 Kor. 13:7

 

Kumkhat Sung Baiblal:

          Puithiam. 14

          Matthai 26:51-75

 

Mi tampi in Google Homepage ih zuksuaimi an duh vekin kei khal ka duh ve. Kan dung Valentine ni ih an suaimi sungah kum upa zomi nupa te pahnih, mipa pa cu kianghrol a kai ih a sampar ttheh mi nunau nu cu thinlung pianhmang bawlung pahnih hri in a kai. An kut kai aw in an feh. Kan nunphung in mino sinak lawng a uarlai ah duhdawtnak taktak cu kan nunnak lamtluan ah a dotdot in a feh zia himi zuk in in theiter cu a tthazet a si.

 

Paul ih nganmi Korin cakuat sungah duhdawtnak ih thukzia le fekzia a lawm (1Kor. 13), “Duhdawtnak cu a thin a sau ih mi zaangfahnak a nei, iksiknak a nei lo a uang aw lo ih a puarthau fawn lo. Duhdawtnak cu a nun a sia lo, amah zawn lawng a raut lo, a thin a tawi lo, tisualmi kha a ciing ringring lo. Duhdawtnak cu thil tthalo parah a lung a awi lo, asinain thudik parah a lung a awi. Duhdawtnak cu a bei a dongmai dah lo, a zumnak, a ruahsannak le thinsaunak cu cem ni a nei lo. Duhdawtnak cu a cem thei lo” (cc. 4-8)

 

Brian Wren in himi ih thutak a sinak cu, “When Love is Found,” timi hla ah hiti’n a ngan:

 

Duhdawtmi ih thlengawknak ruangah duhtu cu hniksak a tuar,

Ziangkim danglam hmansehla ruahsannak thawn a kaihnget lai;

Nomnak ra kir saal in duhdawtnak in fimnak a zaiter ding,

Thu a theimi hna le a vangmi mit thawn.

 

Kan thap awknak cu nunnak meisa in a hniksak tikah ziangvek harsatnak kan ton khal le Pathian in a duhdawtnak le zaangfahnak tam sin a langter theinak thazaang in pe ding

 

Pathian ih duhdawtnak cu tu le tu harsatnak ti sungah kholh hmansehla a hnawh theilo mi puanthan vek a si.

Comments

comments

Comments

%d bloggers like this: