A Hmuhmi Kan Hmu Maw?

June 30
Zarhte Ni

A Hmuhmi Ka Hmu Maw?

Bible Siar Ding: James 2:14-18

Milian pakhat in a tlasamzetmi a unau a hmu na’n ziang hmanah siar loin a umsan men a si ahcun Pathian ka duhdawt tiah ziangtinso a ti thei ding?
– 1 John 3:17

A liamciami zarh kar tamnawn lai ahkhan ka innhnen vengpa te dam lozet le bom ttul in an um. Cumi cu ka rak thei ngelcel lo, ziangahtile Bible tlawngih cazirh ding timtuah, cabu pakhat ngan, le retreat pakhat ih thusim dingmi timtuahnak in ka buaituk ruangah. A um lo ti cu ka hminsin nain a ttulsamnak ka rak thei ngah lo.

Tusan ah mi tamsawn cu tuah dingmi tamzet kan nei ih tuahsuak dingah tikcu caan malte lawng kan ngah. Bawipai’ hrangah hnattuan maksak pawl ttuan tlin dingah kan buaituk. Pathian hnattuan dingah kan manmawhzet, asinan kan kiangnaite ih a ttulsamzetmi pawl bawm dingah kan tlolh pang riangri ttheu.

Zumtu pawl hnenih a cakuat sungah, James in Pathian ka zum ti si ih nitin nun daan ziaza ah Christian nun thawn a mil aw lomi pawl ih thu a sim. James in evangelism thuhla thawn pehpar aw ih a simmi cu a si lo. Zumtu a si ciami parih kan nun daan ding sim zirhnak a si sawn. “Nan Khristian unau lakah mipa siseh, nunau siseh hnipuan tlasam le ei-in ding a nei lomi um bang hngai sehla… cu pawl hnenah, ‘Pathian in lo thluasuah hram she. Hlum te’n um uhla rawl ttha te’n ei uh,” tiah kan timi cu an nunnak ih an ttulmi nan pek si lo ahcun ziangso a tthahnem?’ (James 2:15)”.

Thlaraulam ih thapeknak le thlacam saknak lawng hin a daihcang tawk lo. El Roi Pathian cun an ttulsamnak bom le pakhatkhat tuahsakmi hmuh ding a duh a si.

Vei ziangzat so midang ih ttulsamnak bom ding kan tlolh? Ziang kan siar lo ruangah si loin El Roi Pathian ih hmuhmi hmu man lo khop ih hnattuan kan buaituk ruangah!

El Roi Pathian, Na hmin in an ttulsammi bawm ding in duhsakmi pawl hmu thiam dingin ka mit i vaangter hram aw.

Ka pehtlaih theimi lengin El Roi Pathian ih hmuhmi mi ttulsam pawl hmu thei dingin ziangti’n ka thlir thei pei?

@ Ava Pennington

(Visited 22 times, 1 visits today)

Comments

comments

Comments

%d bloggers like this: