A Hmin Sungih Rinsannak

June 17
Zarhpi Ni

A Hmin Sungih Rinsannak

Bible Siar Ding: Saam. 20:1-9

Kannih cun Bawipa kan Pathian ih cahnak lawng kan rinsan.
– Saam 20:7

Hmin pawl hi danglamnak makzet an nei thei, ahleice in Bible sungih hmin pawl hi. Bible sanlai ah hmin pakhat in mi pakhat ih mizia (character) asilole a dunglam thuanthu (background) kha a phuanlang. Tuni tiang khal ah, mi pakhat in a dang pakhat kha a hmin a theih lo ahcun ziangtik hmanah an neel awzet thei dah lo ding.

Pathian in Moses hnenih A Hmin a sim tikah, khuahlan san minung pawl ih an biakmi pathian dang pawl thawn an bang awk lo zia le a dangte um Pathian a si zia a theihter. Miphun dang pawl cun an raalkapbur an rinsanlai ah, Israel mi pawl ih humhim awknak ding umsun cu Yahweh Pathian lawng a si. Ttihphannak in miphun dang pawl a tlanter ciamcolai ah Yahweh Pathian cu Israel mi pawl ih beunak hmun tthabik Lungpi a si. Israel mi pawl cun Bawipa hmin ih huham par lawngah an hngatsan aw.

Pathian ih hmin cu Moses hnenih a rak phuanglang awklai vek thotho in tuni khal ah a cak in huham thawn a khat thotho. Leitlun ih sipuazi (economy) tlaniamzet hmanseh, leitlun huap in tilet thlisia le linghnin harsatnak phunzakip in nuai hmanseh, milai pakhat le pakhat karlak ih pehtlaih awknak tle ttumsuk in siavazet hmanseh, zumtu cun Pathian Bawipa ih Hmin cu kan thei in kan rinsan thei ringring ding a si.

Ziangtinkim hi an sia linglet thluh thei, sihmansehla Amah cu Yahweh Pathian a si, ziangtik hmanah a sung thei dah lo ding.

Yahweh Pathian, ttihphannak ka ton tikah
Na hnenah hmaisabik pan loin
khui hmun ah so ka tlan ding?

Ka nunnak cu ziangmi in so in buaipi? Yahweh Pathian hmin ka theihnak in
tuni harsat buainak ka ton tikah ziangtluk in i bawm?

@ Ava Pennington

(Visited 29 times, 1 visits today)

Comments

comments

Comments

%d bloggers like this: