A Hmin Kengtu

July 2

Tlawngkai Ninga 

A Hmin Kengtu 

Siar:

Tirhthlah 11:19-26

Hih Antiok khua ahhin a si dungthluntu pawl cu Khristian ti’n an kawh hmaisabik.     – Tirhthlah 11:26 

Kumkhat Sung Baibal:

–   Job 22-24

–    Tirhthlah 11 

Hans Geiger, Marie Carie, Rudolf Diesel, Samuel Morse le Louis Braille pawl hi bang awknak an nei. Anmah pawl cu thil thar hmutu le hminsin tlak thiltuahtu an si ruangah an hmin a lang ih midang tampi thawn “Encyclopedia Britannica’s Greatest Inventions” cabu sungih “milai nunnak a tthathnempitu le a thlenghtertu hmuhsuaknak 325 pawl tuahtu” lakah an tel.           

Kannih Jesuh Khrih dungthluntu pawl khal Khrih Hminputu kan si. Luka in kawhhran hmaisa thu a ngannak ah, “Zumtu hmaisa dungthluntu pawl Christian tiih an rak kawh hmaisabiknak cu Antioch khua a si,” a ti (Tirh. 11:26). Nehhnu ah Peter in, “Christian nan si ruangih nan tuar a si ahcun nan ningzak hlah uh,” tiah tha a pek (1Pet. 4:16). Christian tiih kawhmi cu Jesuh Khrih ih dungthluntu pawl nautatnak ih an rak hmanmi asinan annih in upat sunlawihnak in an rak cohlang. Khrih ttantu tiih hminsinnak a si.

Auckland University ih Classics hotu a rak ttuan dahtu E.M. Blaiklock in, “Christian timi hmin hi a remcaannak a um, ziangahtile mi pakhat Messiah (Christ) zumtu le cohlang ih amah parah rin-umnak neitu khi a si. … Atu san thar ih kan hman daan khal cuvek tthiamtthiam a si. Christian timi cu Jesuh Khrih cu i Runtu le ka Bawipa a si tiih a zumtu le a cohlangtu pawl tinak a si,” a ti.           

Tuni Jesuh Khrih dungthlun pawl cu in Runtu, kan Bawipa le kan rual ttha a simi  Khrih hmin kengtu kan si.   – David McCasland

 Christian pawl hi ziang thawn an bang?

Ziangmi in an nun a danglamter?

 Annih cu mi menmen an si ko,

  Thinlung takin Pathian duhtu pawl.  – D. De. Haan 

A hmin men lawngih Khristian si hrimhrim hlah,

ziangahtile Khrih Hmin kengtu na si.

 

(Visited 31 times, 1 visits today)

Comments

comments

Comments

%d bloggers like this: