A HLUN LE A THAR

 

January 10

Zarhte Ni

 

A Hlun le A Thar

 

Siar:

Galati 5:16-23

 

Zozo khal Khrih thawn an pehzom awk tik ahcun mi thar a si; a nun hlun cu a cem ih nun thar a thok zo. – 2 Korin 5:17

 

Kumkhat sung Baibal:

          Seemtirnak 25-26

          Matthai 8:1-17

 

January kum thar pekih tuah ttheumi pawl cu taksa rihnak tthum, taksa caangvaihnak tamter, innsaang thawn caan tam hmang tivek pawl an si.

 

Kan thinlung in nuamter lotu tuah nawn lo hi a si ttheu nain zarh thum baak kan tuah paih ttheu lo.

 

Tuih kum ihsin na tuah thok dingmi na nun ah Pathian in lo thlenghter a duhmi le na tthansonak ding na sut dah maw?

 

: Na nunnak ah thlarau rah tamsin langter ding, duhdawtnak, lungawinak, hnangamnak, lungsaunak, mi zaangfahnak, tthatnak, rintlak sinak, nunneem tangdornak le suup awk theinak (Gal. 5:22-23).

 

: Nan raal pawl duhdawt uhla a lo hremtu pawl hrangah thlacam uh (Matt. 5:44).

 

: Leilung khuazakip va feh uhla mi hmuahhmuah hnenah thuthangtha va sim uh.

 

: Nan neihmi ah nan lungkim uh (Heb. 13:5)

 

: Duhdawtnak Pathian thukham thlun (2 Johan 1:6).

 

Zumtu cu mi thar kan si  vekin dik lonak ihsin luat thei ding kan si. Nitin Thlarau Thianghlim huham thawn nung ding kan si. Nitin Thlarau Thianghlim huham thawn nung thei dingah Pathian kan dil a ttul. Cuitik lawngah a hlun cu kan thlah thei dingih a thar kan pom thei ding (2 Korin 5:17).

 

Ziangti’n Bawipa ih lung kan awiter thei ding,

Tuah ding a simmi thei in;

Thlarau thazaang cahnak rinsan in,

Mi thar pakhat in canter dingah.

 

Pathian ih kan tthum awk ahcun tuah ding thlun a olte.

Comments

comments

Comments

%d bloggers like this: