A Hlun le A Thar

December 18

Tlawngkai Nihnih

 

A Hlun le A Thar

 

Bible Siar Ding: Luke 24:13-25

 

Cule Jesuh in Ca Thianghlim sung Moses cauk pawl ihsin thokin profet pawl ih nganmi tiang, Amah ih thu an ngannak hmuahhmuah kha an hnenah a simfiang.                    –  Luke 24:27

 

Veikhat cu mi pakhat in, “Thukam Hlun (OT) cu ka siar a ttul nawn lo. Thukam Thar in Thukam Hlun cu a airawl zo si. Kannih Daan tangih um kan sin awn lo; kannih cu zaangfahnak hnuai ih ummi kan si.” ti’n in sim.

Hi tiih a simmi hin Jesuh in Emmause lamzin tluan ah dungthluntu mi pahnih hnenih a thusimmi in vun mangter saal. Jesuh cun tikcu caan tampi laak in an hnenah Thukam Hlun sungih thu pawl a sim saal ih Ca Thianghlim ih a simmi pawl hi Amah ih thu a si zia tla a simfiang.

Pathian in Eden hmuan sungah rulpi hnenih a simsungmi siseh, Seemtirnak sungah Abraham hnenih kumkhua a hmunmi thutiamkam a neihmi siseh, Daanbu sungih Lantak Tuufano thu le sualnak phurtu mecang thu pawl siseh, Saam sungah David ih simsungmi thinglamtah thu le Isaiah ih simsungmi tuarnak tiang – a zate’n Jesuh Khrih thu hlir a si.

Jesuh Khrih ih sinak le tuahsermi pawl hi Thukam Hlun ih Amai’ thu an simsungmi pawl kan siar lo ahcun fiang te’n kan thei famkim thei lo ding. Daan le profet thusimmi pawl a famkimternak pawl theifiang ding cun profet pawl ih simsungmi thu kan zirzoi a ttul. Thukam Thar (NT) kan fiangnak dingah Thukam Hlun (OT) kan siar tengteng a ttul.

Bawipa, Thukam Hlun Ca Thianghlim ih cahmai zate sungah

Jesuh Khrih ka hmuh theinak dingah in bawm hram aw.

Nitin ka Bible siar le zirzoinak ah Thukam Hlun Cabu pawl ziangti’n ka telhcih thei ringring pei?

 

@Ava Pennington

Comments

comments

Comments

%d bloggers like this: