A Hlawhtlinnak Ihsin Biakinn Saknak Ih Pathian Thangthattu : Manny Pacquiao

B2NLfsYCcAAQ7tI

The Christian Post : May 2, 2015 ah, USA mi Floyd Maywheather thawn Boxing thongaw tu ding, Manny Pacquiao cun, General Santos City, Philippines ah, a leknak ihsin sumpai a ngahmi thawn Biakinn a sak rero thu The Christian Post cun a tarlang. Biakinn an sakmi hi tuihnu kumkhat le hrek tluk ahcun an theh thei ding tiin zumnak an nei. Biakinn hmin ah “The Word for Everyone” tiin hmin an pe. Biakinn compound hi 5.7 acres a kau ih, Biakinn ahcun Pathian Thu zirnak tlawng khal an nei ding. Biakinn saknak ahhin P 295 million ($US6.7 million) cem dingin ruat a si.

Biakinn saknak ih ka hmanmi sumpai tla hi cu, Pathian ih thlawsuah in pekmi thaw cun tahthim tlak a si lo, a mal tuk lai

pac.church.groundbreaking.150214.03.500w

Manny Pacquiao cun, “Tui dinhmun ka thlen theinak hi Pathian ruangah a si ti ka theifiang ih, Pathian hnenah leiba ka nei. Ka neihmi hi a mai ta an si ih, a ram hrangah ka hmang ding. Biakinn saknak ih ka hmanmi sumpai tla hi cu, Pathian ih thlawsuah in pekmi thaw cun tahthim tlak a si lo, a mal tuk lai. Biakinn saknak ih ka tumtahmi cu, mi harsa pawl kan bawm ding, Pathian Thu a theifiang lo tu pawl hnenah Pathian Thu kan sim ding. Cumi cu Pathian in leitlun ih in thlahnak san khal a si ti ka theihfiang ruangah Biakinn saknak hi tumtahnak ka nei a si. Mi rinum Pathian ka neih ruangah a hrangah Biakinn ka saknak khal a si” tiin a sim.

Pacquiao_Warren_120529_001a

Manny Pacquiao hi mi harsate a si ih, kum hleili a ti ihsin a sungkua pawl cawmtu a si. A tleirawl ihsin Boxing a lek ih, lehhnu ahcun a eihawlnak ah a cang. A upat hnu ah, Pastor Rick Warren ih nganmi “The Purpose Driven Life ( Tumtahnak Ih Fehpimi Nunnak : Rev. Run Cung Mang ih letmi ) Cabu a siarnak ihsin Jesuh Khrih cohlangtu a si. Pastor Rick Warren cun, “The Purpose Driven Life a siarnak cu Pacquiao cun in rak sim. Cui Cabu ruangah Jesuh Khrih a tongngah ih a lungawi zet. In rak simlai ahcun, “Pastor, na cabu ka siarnak ihsin Jesuh Khrih ka cohlang. Bung khatnak ka siar, ka lungawi tuk ih ka mitthli a tla. Bung hnihnak ka siar ih ka lungawi thotho. Hi cabu cu ka rualpi pawl hnenah ka zem vivo hai. Zumtu ngaingai ka si thlang ih, Pathian Thu khal ka siar ringring” tiin a sim thu a rel.

Comments

comments

Comments

%d bloggers like this: