A Hlatpi le A Naite thawn

August 27

Tlawngkai Ninga 

A Hlatpi Le A Naite Thawn 

Siar:

Matthai 15:7-20 

Thil tthahnem lo a hawl rerotu ka si lonak dingah i kilkhawi aw. Na thu tiamcia vekin ka parah ttha hram aw.     – Saam 119:37 

Kumkhat Sung Baibal:

–   Saam 120-122

–    1 Korin. 9 

Kan innhmun cu a dai ttheptthep. Tual ih hna ka ttuanlai ah kan uico Maggie cu ka kiang ih hrampi parah a bok. Thinghnah ro rung caang hrephri in thil a danglamter ttheh. Maggie cu a tlan ih hmakhatte ah thingkung pakhat a heel ciamco, culaifang ah thiahlei pakhat cu thingkungpi parah a kai.           

Kan uico Maggie le thiahlei in Jesuh zoh loin thil dang zoh dingah ka mit i laak lohli ttheumi i vun mangter. Ton dah zomi thlemnak, ttuan ding neihmi a thar, atu ih neih ding le nom duhnak kan neihmi pawl in kan hrangih thil tthabik a theitu le duhtu hnen ihsin lam in pialter.           

Farasi pawl khal thlaraulam thu ah cuvek an si (Matthai 15:8-9). Anmah cu Pathian hnattuantu an si ih, midang pawl cu tuah dingin an fial. Asinan anmah ih  thinlung cu Pathian hnen ihsin a hlatpi ah a um.           

Kannih tla biakinn ah Pathian hnattuan le a thu kan zirh nain Pathian thawn a hlat aw mi kan si thei. Kawhhran hrangih kan cangvainak pawl tla hi Jesuh parih kan tthum lo ahcun sullam nei lo ah a cang thei. Asinan kan lungruhnak kan cemter ahcun (Tirhthlah 7:51) Bawipa in a tthahnem lomi zohnak ihsin kan mit a kirter dingih kan thinlung a tthangharh ding.     – Julie Ackerman Link 

Mi hrekkhat cun Jesuh an thlun,

An lamtluan ah hnaihnoknak an tong;

Asinan Bawipa hmuitin in an feh ahcun,

Lam an pial lo ding.    – Sper 

Khrih kan nun muril ih a um ahcun 

a dang hmuahhmuah tla a feh dik ttheh ding.

(Visited 26 times, 1 visits today)

Comments

comments

Comments

%d bloggers like this: