A Hmaisabik English Grammar English-CHIN Cabu Tlangzarh

A HMAISABIK ENGLISH GRAMMAR ENGLISH-CHIN CABU CU TLANGZARH A SI ZO


Tuni Zarhpini 26.8.2012 ah Salai Lal Tan Ngai ih nganmi English Grammar English-Chin cu New Delhi ih um DBCF biakinn ah sun nazi 2:00 ah Dr. Run Bik in a tlangzarh zo a si.

Chin mi pawlin kan hlawkpizet ding tiin tlangzarhnak ih a teltu mipi pawlin cabu parah an ruahnak an rel cio.

Cun tuini thotho ah biakinn dang le hmun dangdang pawlah zuar in a um a si. A ngantu Salai Lal Tan Ngai khal cu Bible tlawng, Grace Bible College ah, kai phah rero in man lozet in a zuamsuakmi a si. Cumi thu pawl khal cabu ih thuhmaihruai ah a ngan.

A ngantu ih thinlung sungah Chin mi pawl hrangah thil pakhat tal tuahduhnak a suak ih, cun kan Chin nauhak pawlin Mirang ca ah kan tlasamzet theu ti khal a hmufiang ih, cucun himi cabu ngansuak dingin tumtahnak a nei thok a si.

Kumthum sung a tumtahmi asinan thlariat sungah a ngantheh a si. Kan Chin mipi hrangah rotha pakhat a rohta a si. Hih cabu ah cahmai 275 a um. A sungah English Grammar pawl kimcangten a tel thluh.

Mirang ih nganmi hmuahhmuah kha Chin tong in a let thluh. Himi cabu hi a remcang daandaan in Chin mi pawl umnak leitlun hmun dangdang khalah zemdarh ding a si tiin cangantu Salai Lal Tan Ngai cun CT palai hnenah a sim.

 

(Visited 98 times, 1 visits today)

Comments

comments

19 Comments

  1. Thang Lian Mung says:

    Kan lo hngakhlapzetmi cabuthar cu kan Chin mi zate in kan hlawkpi cio ding. U Tan, na cabu ruangah lungawithu kan lo sim.
    Thang Thang

  2. U Ngai,

    Cabu suah ti mi hi thil awl lo zet a si, Hi mi cabu na sualsuak ngah thei cu a ropi nasa, Kan miphun hrangah thathnemnak tampi kan neih a zum um. Kan miphun hrangah Rolung pakhat na phun rori.

  3. A va lungawi um ve USA lam teh zgtik ah a thleng thei dg ka hngakhlap na sa.

  4. Ava lungawi u m ve!

    Kan nih Norway lam ziangtin kan ngah thei ding.
    A cah theinak in sim uh.

    Kan tul zet.

  5. Lung awi um zet kan ram kan mi phun a thang soh nak ding ah, na tum tahnak hlawh tling hram seh…Ka lo lung awi pi

  6. alung awi um tuk aw……
    falam ah teh lei ding aum zo maw?lei ngah tengteng ka tum ding!!!!!!!

  7. A tha in a sunglawi ka va ti em,kan Chin mi hrang

  8. Tlawng kai cing ih hi vek cabu tha a suah thei hi cu fak tlak na si ko.
    Tlawngkai reromi kan Lai-mi thangthar nonawn pawl hrangah khal zohthim tlak rori asi.
    Kan Lai-mi hmun dang2 ih um pawl hrang khal ah a tangkai zet ding.
    Hmailam khal ah kan hnam hrangih cabu roling tling suah theitu na si theinak ding ah duhsaknak ka lo hlan,

  9. A va lungawi um ve aw, a hman cak um na sa.
    Ka lei na sa ding

  10. Kan lungawi tuk lawlaw kan laimi in hi vek cabu kan nei ve thlang cu,
    miteima tampi kan laimi in ka tul. Tang sinsin in kan calai sang sin ah
    hlir uh si law

  11. A duh tui hrangah ltngai@yahoo.com ah a contact theih a si

  12. Ka va lungawi ve aw ka lei nasa ding.
    Ka lungawi tuk lawlaw,

  13. Ka siar ih tha lawlaw. Mirang zir lai hrangah siar hman uh. Nan lung a fiang ruahro ding.

  14. DINTHUAMA CHERPUT. says:

    Ziangtikah ha malaysia a ra thlen ding aw.Ka siar cak thlang na sa.

  15. Salaimitthlir says:

    Pathian in lo thla suah seh.a lung awi um tuk ka lei ro ri ding a luat lo ding.

  16. Hi tivek laimi in ca tha kan nei cu a va lungawi um ve a tuahtu parah lungawinak ngaingai a si.

  17. Ka lungawituk lawlaw hivek cabu kan nei cu, ka Grammar thiam lo lo thawn hman lohli ka cak tuk aw.

  18. Tha ka ti khawp mai ka hmang tangkaituk zo tu hman ah laimi tampi in an sor tangkai tuk ding ti ka zum, a tha tuk lawlaw.

Comments

%d bloggers like this: