A Hartuk

October 26

Zarhte Ni

 

A Hartuk

                                                           

Bible Siar Ding: Saam 145:1-13

 

“A lianbik Bawipa, lei le van hi na cahnak le na huham in na tuah.

Na hrangah a hartuk timi zianghman a um lo.”

– Jeremiah 32:17

 

A caancaan ah, mi pakhatkhat in Pathian ih sinak kha sawmngiar (challenge) tahrat in simfiang (phisiin) thei lo ding vek a bangmi buainak (problem) suahtertu thusuhnak an tuah ttheu, “Pathian cu ziangkim tithei nan ti asile  Amah in a khai thei lo dingmi thil ritzet le tumzet teh a sersiam thei pei maw?” ti vekin!

Pathian ih huham cahnak cu hnattuan pakhatkhat kan ttuan duh tik caan ah thilri hrekkhat kha thingkuang (box) sung ihsin kan laaksuak ih kan hman thluh hnu le kan ttul nawn lo tikah  cuih thingkuang sungih kan ret saal theimi thilri vek men khi a si lo. Pathian in huham cahnak a nei (has) ti men lawng si loin, Pathian cu (is) huham cahnak ih khat (all powerful) a si, a dangdang a tlinnak (attributes) pawl a simi duhdawtnak, zaangfahnak, thutak, thianghlimnak, dikfelnak, le zaangfah-lainatnak vek thotho in.

Mi tthenkhat pawl in Pathian ih huham cahnak cu ziang siartuk lem loin an um ttheu, ziangahtile Annih cun anmah pawl in cuti’n sisehla an timi vek cekci in Pathian cun A huham cahnak hmang tahrat in a cangvai ttheu lo ruangah a si. Sihmansehla, Pathian in A huham cahnak ih maksak zia kha a ttul tiih a langter tik ahcun Amai’ tumtahmi thil maksak a suahpi ringring a si.

Ziangtivek ih thilcang thei lo (impossible) dinhmun ih ruahmi par khal ah siseh, ziangti hmanih neh theih ding si lomi (unsurmountable) dinhmun ah a va thlen hmanah siseh, kan Pathian hrang ahcun zianghman hi a tuah thei lo dingmi le A hrangah thil harsa zianghman a um lo ti’n kan hngatsan thei ringring a si. A ngaingai teih kan ti ahcun ziangkim tithei kan Pathian (our omnipotent God) hrangah zianghman thil hartuk timi hi a um hrimhrim lo a si.

Bawipa Pathian, ka ttulnak vekih hna na ttuan lo ruangih ka lo rinhlelhmi parah in ngaidam hram aw. Na tumtahmi cangsuak dingin Na huham cahnak parah hngatsan ringring dingin in bawm hram aw.

Tuni ka nunnak ah ziangmibik hi so Pathian in i thlengh sak sehla tiih ka dilngen dingmi?  Ka duh vekin A huham cahnak a langter lo asile thulehnak nei dingin atu ah ziangmi so ka hril ding?

 

@Pennington

(Visited 23 times, 1 visits today)

Comments

comments

Comments

%d bloggers like this: