A Harmi Hrilnak

February 22

Nipi Ni

 A Harmi Hrilnak

 Siar: 2Kor. 4:5-18

 Kan kimvel ih harsatnak in in nen nain kan kuai in kan zaam lo, a caancaan ah tthuktthun le mangbang in kan um, asinan beidong cun kan um dah lo. -2Kor. 4:8

 Kumkhat Sung Baibal:          Mipum 4-6          Marka 4:1-20

 September 12, 1962 ah President John F. Kennedy in Houston ih Rice University ah rampi in thlengh awknak hrangah harnak an ton thu le thlapi sungah milai thlah a duhnak thu a sim.

 A mipi pawl in an ttulmi le tlolak sungih hmunluah duhnak cuai thlai phah in, “Hmai kum 10 sungah thlapi sungih feh thei ding kan hril. Thlapi ih feh ding kan hril ih thil dang pawl khal kan tuah ding. An ol ruangah kan hril a si lo, tuah ding an har ruangah kan hrilmi a si,” tiah a sim. Rampi in an ttanpi ih July 1969 ah Nail Amstrong cu thlapi parah a ttum thei ngaingai.

 Minung thazaang awlnak cet tampi a um ih nuntu khawsak daan a ol deuh nain sawmngiarnak tampi a um. Paul in Khrih riantu si cu harzet in thei hmansehla thanaunak ah a hmang lo. “Kan kimvel ih harsatnak in in nen nain kan kuai in kan zaam lo, a caancaan ah tthuktthun le mangbang in kan um, asinan beidong in kan um dah lo (2Kor. 4:8). Bawipa Jesuh kha thihnak ihsin nunnak ah a thotertu Pathian cun kannih khal Jesuh thawn hmunkhat ah Amai’ umnak ah in laak ding a si ti kha kan thei” (c. 14) a ti.

 Pathian zaangfahnak in Jesuh rian dingah kan pumpek aw uhsi! A ol caan lawngah si loin a har tik khal ah pe aw uhsi!

                                                           Jesuh kan hmuh tikah rian ding a phu ti kan thei leh ding,

Khrih hmuh tikah harsatnak cu a fatezet a bang leh ding;

A hmel hmuh vete’n riahsiatnak hmuah a hlo ttheh ding,

Raaltthazet in Khrih kan ton tiang tlan uhsi!

 

Jesuh in in rundam dingah a neih hmuahhmuah a pek,

Amah rian dingin kan neih hmuah kan pek maw?

Comments

comments

Comments

%d bloggers like this: