A Harhdammi Ttongkam

September 8

Tlawngkai Nithum 

A Harhdammi Ttongkam 

Siar:

Efesa 4:25-32 

Nan biak awk tikah ttongka hrang hmang hlah uh, nan ttong a theitu pawl in tthathnemnak an ngah theinak dingin ttong ttha le ttong mawi hmang uh.    -Efesa 4:29 

Kumkhat Sung Baibal:

–   Thufim 3-5

–   2 Korin. 1 

Kum 2008 November thla ah US ih thutthennak zung sangbik ah uk awk daan thuhrampi ih ttong siava thawn pehparmi rikhiah parah thu el awknak a um. Federal Communications Commission in thuthannak company pakhat cu hnihsuahsaitu pahnih kha hman tammi ttong baal pahnih hman a sian hngai ruangah thutthennak zungah a ko. 

Thuthannak company in ningzah nei loin, nu le pa pawl awknak a si lo ih kaa ih ttong men cu daantat ding a si lo tiah a el. Midang pawl in, “Kan faale pawl cuvek ttong baal hmang lo dingin humhim ding ttuanvo kan nei,” an ti ve.     

Efesa kawhhran sung ahcun ttong siava hman ruangih thu el awk ding tiang cu a um lo. Paul in zumtu pawl kha rundamnak thluasuah an comi le Khrih sungah nuntermi an sinak ruangah an thlun dingmi daan pakhat cu an ttongkam ah raalrin a ttul thu a zirh hngai (Efe. 4:29). 

Paul in Efesa kawhhran ih zumtu pawl cu a hlan ih an nun kel vekih a nuntertu an nunhlun – ttong baal, ttong sia le ngai nuam lo ttong borhhlawh, mi soiselnak, mi huatnak le tthenttheknak a suahpitu ttongkam pawl hlon dingah a duksak. Cumi ai ah an hmurka kilkhawi thiam in Pathian ih zaangfahnak langtertu pakhat le pakhat thapeknak ttongkam pawl hmang sawn dingah a duh sak.           

Khrih thluntu kan si vekin kan thinlung le hmurka ihsin a luangsuakmi kan ttongkam cu nunnak petu cirhti a si ding kan duh. Cuti cun kan ttongkam a theitu pawl in thluasuahnak co hngai hram seh!   – Marvin Williams           

Bawipa, ka hmurkaa kiltu ret aw,

Tuih ni ka lei uk aw;

Ka ruahnak tinkim ruat saal ding i bawm aw,

Nitin in ka ttongkam kil aw.    – Hess 

Pathian Ttongkam in kan ttongkam hi rem ding a si.

(Visited 26 times, 1 visits today)

Comments

comments

Comments

%d bloggers like this: