A Feh Thei Rerolai

October 18

Tlawngkai Nikhat

A Feh Thei Rerolai

Siar:

Efesa 4:7-13

Ziang hmuahhmuah nan tuah tinkim ah milai hrangah si loin Bawipa hrangah kan ttuan ti thinlung nei in nan thinlung takte in ttuan uh. – Kolose 3:23

Kumkhat Sung Baibal:

–   Isaiah 53-55

2 Thess. 1

Tha cakzet Bunny timi zuk hman in RBC hnattuan tlangtu pawl a tluk hngai lo. RBC, Nitin Thlarau Rawl cabu suahtu pawl in Service Partners timi pumpeknak thawn  an thil thiamnak le tikcu caan sunglawi pe in hnattuan bawmtu an nei. Nunnak thlenghtertu Bible ih thunung mi hmuahhmuah in an theih ih an co ngah theinak dingah, timi an hmuitin tuah suaknak dingah a si.

A hrekkhat hnattuan bawmtu rualpi pawl cu kum upa pension la zo pawl an si. Taksa ttawnttai le kum upa an si ko nain tikcu hman te’n an ra ih thathozet in a phunphun an ttuan. 2009 kum ah a thok in a zate’n nazi 100,000 sung an ttuan. Bunny vek hminthangzet cu an si lo nain an ttuanvo cu an ttuan rero.

Hih zohtthim tlak an hnattuannak in leitlun kan nunnak ah “Hman tlak lo” timi a um lo ti in theihter. Ca Thianghlim in zumtu pawl hrangah pension kum khiah a um lo ti a langter.  Asinan tthathnemnak cem caan a um, cumi cu kum thawn a pehtlai aw lo.

Paul in, “Khristian hnattuan an ttuan thei ih Khrih ih pum an tthansoternak dingah a si,” a ti (Efesa 4:12). Cuticun Pathian Fapa kan theihnak pakhat sungah kan finkhawm aw ttheh ding. Patling kan si dingih Khrih patling a sinak a saannakbik hmun khal kan thleng ve ding (c. 13).   – Dave Branon

Na sinak hmun in Bawipa riantu si aw,

A thukam ngai in Amah rinsan aw;

Pathian cun na ttuan theimi lawng a lo fial,

A tumtah langsinnak ah na zuamnak a hmang ding. – Anon

Duhnak thinlung na neih taktak ahcun,

A no, a tar ti loin Pathian in a lo hmang thei.

(Visited 18 times, 1 visits today)

Comments

comments

Comments

%d bloggers like this: