A Fanu Taklawng ih Zukawk Ruangah A Pa Thlai That Aw

tawlawng
Šianglianuk Ķianghrol
Bucharest : Nunau taksa pholangnak Playboy mekazin ih a fanu taklawng zuk pawl a hmuh ruangah Romania ram ih pacang pakhat cu riahsia beidong in reipi a um ih a netnak ahcun hridai in a awk that aw.

Loredana Chivu timi Bucharest khawpi ih um nu cun kum (18) a si lai ah a taklawng zuk pawl Playboy mekazin hrangih a zukawk mi a si. Cumi zukpawl a hmuh tikah a pa cu a thin a heng zet.

“Ka pa in i be nawn lo. A riah a se zet. Netalam cun kan sungkua midang pawl khal a hrial ih amahte’n a um,” tiah Loredana cun a sim.

A hlan ahcun an pafa in an duhdawt aw zet nan ni malte sungih thilthleng ruangah boruak a danglam thluh. A pa thawi’ an karlak pehtlaihawknak tuah tthat sal tum ih a va feh ttum ah a pa a rak thlaithatawk kha a va hmu. “Luanglu ih ka pa a thlaithatawk ka hmuh ttum cu ka dam sungih ka thil hmuh rapthlak bik a si,” tiah tu ih kum (25) a kim zo tu Loredana cun a rel.

“Ka pa a that aw ding ti ka rak thei lo. A rei cun a ngai zia-um leh ko ding tiah ka rak ruat. Ziang ca hman a ngan ta lo. Ka thil tuah mi ruangih kan pehparawknak a siat thluh ruangah tu tiang in ka thla a phang ringring,” tiah a sim bet.

Ref: Mirror

Comments

comments

Comments

%d bloggers like this: