A FAMKIM LOMI THINLUNHG PHUURNAK

December 27

Zarhte Ni

 

A Famkim lomi Thinlung Phuurnak

 

Siar:

Saam 62

 

Bawipa hnenah thla ka cam ih Amah in i let. Ka ttihphannak hmuahhmuah sungin i luatter.

– Saam 34:4

 

Kumkhat sung Baibal:

          Thuphuan 17-22   

          Thufim 30:21-33

 

Mallory cun Pathian ih duhnak a tep thei lo ti’n a ruat aw. Jesuh cu Runtu ih a cohlannak a reipi zo ih a sualnak ngaithiam a si ruangah kumkhua a nung ding ti khal a thei. Pathian Tongkam a zum nain a nun in tep a duh.

 

A rual nu in, “Pathian zum cu feeling in a si lo. Zum hmaisa awla feeling cu neta ah a ra leh ding,” a ti tikah, “Neta cu ziangtikah a si ding?” tiah a sut lala. A famkim lomi thinlung phurnak (feeling) a nei.

 

Pathian in Amai’ hmuihmel cuangih in sersiam tikah lungthawhnak thawn in sersiam. Duhdawtnak tep ngah duh hi a dikmi le a tthami a si. Duhmi kan si kan theithiamnak cu mi thawn kan biak awk tikah le kan thusimmi an ngai tikah a si.

 

Pathian in cuih kan ttulmi pawl cu Amah thawn kan pehzom awknak thawngin in tuah sak. Kan thinlung Amah thawn kan pehzom awknak thawngin in tuahsak. Kan thinlung sungah a tong (Heb. 4:12). Kan thinlung ih a ummi hmuahhmuah Amah hnenih sim le in phuanter a duh (Saam 62:8). Amah thawn pehzom awknak hlei ah nitin nunnak thaw, hruk ding hnipuan, ei-in ding rawl le umnak inn in pek. Saam cangantu ih ngan vekin Amah ka rinsan ahcun kan beunak lungpi a si (cc. 2, 7).

 

Pathian in in duhdawt. Zumnak thawn kan feh. In umpinak sungah famkim lo feeling a um nawn lo ding.

 

Ttha tein ruat hnik!

Pathian ih a lo duhnak thu himi caanghril pawl ah siar aw:

Jeremiah 31:3;  John 15:9-11;  1John  4:9-10

Tusun ah ziangmibik ruangah Pathian hnenah lungawi thu na sim ding?

 

Pathian in in duh timi theihnak cu zumnak in a ra. In duh ti feeling cu

Amah thawn pawlkom awknak in a ra.

Comments

comments

Comments

%d bloggers like this: