A Famkim Lo

March 12

Tlawngkai Nili

A Famkim Lo

Siar: Filipi 1:3-11

 Nanmah sungih hnattuan ttha a thoktu in Jesuh Khrih ih Ni a ra thlen tikah cumi cu a ttuan suak ding tiah ka thei fiang.   – Filipi 1:6

 Kumkhat Sung Baibal:          Daan. 17-19          Mark 13:1-20

 Naukak te ka silai ah ka nu le ka pa in an inn hmaisabik an lei. Sunhnu veikhat ah kan sungten mawttaw thawn a reihlan ih kan umnak ding inn cu kan va zoh.

Ka zum thei lo. Cuih inn cu tukvirh khal um lo sangka khal a um lo, rim phun dang khal a nam. Tangtabik khaan khal zial ong ihsin a lang ih kaililawn thawn ttum a si.

Cumi zaan ah, “Ziangah khi vek inn ah nan um duh?” tiah ka nu ka sut tikah a saktu pa in a ttheh hrih lo thu i sim. “Hngak awla zoh leh aw, a ttheh tikah na duh leh ding ka zum,” tiah i ti.

A rei hlanah a thlengh awk vingvo kan hmu. Tukvirh le sangka khal an tuah. Thing thar pawl ih rimsia a hlo ih zial ong pawl tla a pit ih kaililawn ngai an tuah. Phar pawl si an thuh. Ka nu in tukvirh ah kalaka a zaar ih phar ah zuk pawl a taar. Ttheh hrih lomi inn cu a thlengh aw ttheh. Tikcu a rei nain a netnak ah an ttheh famkim.

Kannih Khristian pawl khal ttheh ding kan ttul ve. A hrampi cu kan lung thlengh laiah kan thok na’n kan nun sung hmuahhmuah tthangso vingvo ding kan si. Kan zumnak a hram thawhtu le a netnak a si mi (Hebru. 12:2) Jesuh kha a thu ngai in kan thlun tikah nikhat ni ah kannih khal ttheh famkim kan si ding.

 Pathian in kan sungah thil tthabik a hmu,

Nikhat ah ttheh leh dingmi;

Amah Thlarau in kan nun sung hmuah a ttuan,

A Fapa bangtuk si dingah.

 Thinsau in um aw, Pathian in in ttheh famkim hrih lo.

Comments

comments

Comments

%d bloggers like this: