A Ding Ngam Nawn Lo

 

December 2 

Tlawngkai Nithum

 

A Ding Ngam Nawn Lo

 

Siar:

Efesa 6:10-18                    

 

Ziangahtile nan sungih a ummi Thlarau cu khawvel mi pawl sungih thlarau hnakin a cak sawn.        -1 Johan 4:4

 

Kumkhat Sung Baibal:

–          Ezkiel 42-44

–          1 Johan 1

 

K

um 2004 ah, Josh Hamilton cu base ball – bawhlung thiam hrilmi asinan rit theih thil ruangah an dawi suak. Zaan khat cu a nun a thlengh tertu mang a man. Khawsia – khuavang thawn an sual aw. “Funghreu in ka thawi” a ti, asinan ka thawi tinten a tluk nain a tho saal cingcing. Ka tha baang ko in ka thawi nain a ding ringring thotho” a ti.

     

Mang a man hnu ah Hamilton cun nun thianghlim te’n um ding thu a kam aw. A mang kel a man saal lala na’n a phundang deuh. Ka thawi ih a tho saal a ti. Asinan hih hnu cu keimah lawng ka si nawn lo. “Jesuh ka kiang ah a um. Ka thazaang a cak, khawsia cu a ding ngam nawn lo,” a ti.

     

Baibal in, khawsia cu a ding ngam nawn lo, ziangahtile nan sungih a ummi thlarau cu khawvel mi pawl sungih thlarau hnakin a cak sawn” a ti (1John 4:4). Khrih a ratnak san cu, a nun, a hnattuan le pumpeknak ihsin Satan hnattuan  siatsuah dingah a si (1John 3:8). Cross parah Satan ih cahnak huham cu a siatbal ttheh zo (Kolose 1:13-14, 2:15).

     

Cross ah neh a si zo nain Satan cu hih leitlun ah a caangvai thei rerolai. Asinan a netabik nehnak ding thu cu a fiang ko (Thup. 20:7-10). Curuangah Pathian ih raal thuam hruk in (Efesa 6:10-18), Jesuh ih thiisen le A Thu ah ding hnget in Satan do ding kan si. A ding ngam nawn lo.

 

Hih leitlun ah Satan um hman sehla,

Ka thla in phaangter lo ding;

Ka ttih lo ding, Bawipa in a neh ruangah,

A Thutak ruangah nehtu ding kan si. 

 

Satan cu neh zo mi raal a si.

(Visited 26 times, 1 visits today)

Comments

comments

Comments

%d bloggers like this: