A Dikmi Rualpi pawl

January 18

Tlawngkai Ninga

 

A Dikmi Rualpi pawl

 

Bible Siar Ding: Thufim 12:1-28

 

Bum mi si hlah uh. Ttongtthimnak ah,

“Rualpi ttha lo in ziaza ttha a siatter,” ti a si.

–         1 Korin. 15:33

 

Christian kan si hnu ah ahlan ih kan kommi zumlotu rualpi pawl thawn pehzom in kan kom aw (continue) hrih ding maw, asilole Christian rualpi pawl thawn an ai kan rawl (replace) ding?

Rualpi ttha taktak timi cu theihthiam men le innhnen vengpa pawl thawn a bang aw lo, rualpi diktak cu neel awzet (intimate) ih in theitu an si. Midang ih in sim ngam lomi thutak tla rualpi ttha cun hmaisong loin duhdawtnak ruangah in sim ngam. Rualpi taktak cun kan tthatnak ding in duhsak, an hrangih thil tthabik a si khal le. Rualpi cun kan hmuitin, kan manneihnak le kan thlarau nun tthanlen pitlinnak dingah in bawm.

Jesuh in zumtu cu Amah hrangih nung ding le leitlun hmunkip ih a tetti si dingin in sim. Cule zumlotu pawl thawn leitlun tisa daan ih hnawihnih aw loin hlimphir teih um ding in duhsak. Kan nunzia rori in midang pawl kha ciahneh thei in Khrih hnenih mi hruai theitu si dingah leilung tisa mi pawl thawn cokpolh vaivuan lo dingin in sim. James cun, “Zokhal hih leilung thawn a rualpi awtu cu Pathian ih raal a si,” a ti (James 4:4).

Pathian in zumlotu pawl hrangih cite le meifar vek si dingah in ko. Kan rualpi ttha pawl cu kan Bawipa le kan Pathian, rualpi in titu ih duhdawtnak le tleunak sungah tthanglian dingin thazaang in petu an si a ttul.

 

Duhdawtmi Bawipa, Na Ttongkam cokpolh vaivuantertu si loin pehtlaihnak le rualpi sinak ah tthangso dingin in bawm aw.

Rualpi ruangah ka thlarau nun ih ziangmi zawnbik ah si

cokpolh vaivuan (compromised) in ka um?

 

@Ava Pennington

Comments

comments

Comments

%d bloggers like this: