A Dikmi Milai

June 25

Tlawngkai Ninga

A Dikmi Milai

Siar:

1 Korin 12:7-18

Pathian in taksa tthen dangdang cu an umnak ding hmun ciar ah Amah ih duh vekin a ret a si.   -1Korin 12:18

Kumkhat Sung Baibal:

–   Job 3-4

–   Tirhthlah 7:44-60

Miracle timi zuknung cu sui tacik laksawng a tumtahtu, 1980 kum US Olympic ice hockey team ih thu thu ngaingai zukmi a si. Lek zirhtu coach Herb Brooks in a lektu ding pawl a hril hngaimi in an zuk thok. Brooks in a hrilmi hmin cazin kha a bawmtu Craig Patrick a pek tikah Patrick in mangbangzet in, “A thiambik  hrekkhat pawl na hrelh hngai,” tiah a ti. Brooks in, “A thiambik pawl ka hawl lo, a dikmi milai pawl ka hawl,” tiah a let.

Lek thiamnak cu an team hrangah a thupizet ko nain amah ih style mahzawn ruat lo ih lek duhnak hi a thupi sawn ti Brooks in a theih ruangah a si. Pumpak sunlawinak si loin team ih nehnak co-u a pek ti a fiang.

Bible ih simmi Pathian hnattuan khal cutivek a si. Pathian ih tumtahmi cu team sungih a telmi pumpak pakhat cio in mah ih ttuanvo ciar ttuan a si. Zumtu pawl ih comi thlarau laksawng dangdang thu a sim hnu ah Paul in, “Kan sungih Thlarau a um kha phun khatkhat in a lang ih cumi cu miseenpi tthathnemnak hrangah a si,” (1Korin 12:7) a ti.  Pathian ih pekmi ttuan thiamnak kan hmanfuh tikah a tumtahmi ttuan suak a si ih sunlawinak a co. Pathian hnattuannak ah a thiambiktu si hnakin taksa ruangpi ah Pathian ih a retnak zawn ih umtu a dikmi milai si hi a thupi sawn (c.18).   –Bill Crowder

Jesuh in a kawhhran cu lungto phun dangdang in a sak,

Pakhat ciar fekte in a khen hngai;

An pungsan, an tum le fatet khal an umnak hmun thawn a mil aw,

A kawhhran caan rei awh dingin.    – Anon

Khrih ih taksa ruangpum kawhhran sungah

a thupi lomi milai zohman an um lo.

(Visited 25 times, 1 visits today)

Comments

comments

Comments

%d bloggers like this: