A Dikmi Bomnak

October 5

Tlawngkai Nihnih

A Dikmi Bomnak

Siar:

Saam 18:6-13

Harsat ka tonlai ah Bawipa cu ka ko; I bawm dingah ka Pathian cu ka ko a si. A Biakinn ihsin ka aw a thei; ka aunak aw a hna sungah a lut.    – Saam 18:6

Kumkhat Sung Baibal:

–   Isaiah 23-25

–   Filipi 1

Tu naite radio program sungah thuthantu le buainak rem thiamtu thu an rel tlang. Thuthantu in hminthangzet mi a hmin a siat tikah ziangti’n a hmin a thang saal thei ding? tiah a sut. Thulettu in, a thupibik cu a hminthan saalnak hrangih a bawm theitu ding thawn rualpi tthazet ih kom awk a ttul tiah a ti. Phundang in kan sim asile buainak a um tikah bawm theitu diktak um a ttul tinak a si.

Cumi cu fimkhurzet ih sim zirhnak a si, ziangahtile buainak thu a um tikah kanmah te’n zianghman kan tuahsuak thei lo. Bawmtu kan ttul. Cuvek caan ah rualpi cakbik kan nei ti theih cu thin a nuam.

David siangpahrang in cuih rualpi cu a thei ngah. Saam 18:6 sungah, “Harsatnak ka ton ruangah Bawipa cu ka ko, I bawm dingah ka Pathian cu ka ko a si. A Biakinn ihsin ka aw cu a thei, ka aunak aw cu a hna sungah a lut,” a ti. Pathian hnakih tumsawn bawmtu an um lo. Tuarnak le harsat buainak sungin in luatter theitu cu Amah lawng a si ih, ka lo tlansan lo dingih ka lo hnong lo ding,” (Heb.13:15) in titu a si.

Buainak a suah tikah kanmah lawng kan si lo. Bawmtu tthazet kan nei. Pathian cu a tumbik rualpi rinsantlak kan neih mi a si ti fiang tein kan thei. Amah rinsan in hngauhsan ringring aw.   – Bill Crowder

Buainak na hnen a thlen tikah,

Nangmah lawngin tuar hlah;

Pathian hnenah thlacam in bomnak dil in,

A kehram ah na buainak thlenpi aw.   – Sper

Leitlun ih kan ruahsannak tumbik cu,

Van Pathian hnen ihsin bomnak ngah ding hi si.

(Visited 24 times, 1 visits today)

Comments

comments

Comments

%d bloggers like this: