A Dik ti Langter

July 21
Zarhte Ni

A Dik ti Langter

Bible Siar Ding: Isaiah 54:11-17

Nanmah ih ai ah Bawipa in a lo do sak ding. Nannih tuah ding zianghman a um lo. Thlangam le thin dai te’n um uh!
– Suahlannak 14:14

Dik lozet ih mawhthluknak le dokalhnak kan ton caan hnakin nasazet ih lehrulnak in neihtertu thil dang tampi an um lemlo. Kan mawh lo a si ti langter ding le kan diknak pawl kha mi ih in zum theinak dingah khohzet ih dinpinak in dik lozet ih dodalnak cu do theinak kan nei ve a si ti’n kan ruat.

Yahweh Sabaoth cun dokalhtu pawl kan lehrul daan ding lamzin dang in zirh a si. Amah neitu kan si ahcun kanmah hrangah dotu dingah Amah rinsan ding in duhsak ih kan diknak khal Amah ih simsak le langter ding a duh. Pathian in a thukam a pelh dah lo ti cu kan thei ko nain ziangtikah, ziangti’n a kimter ding timi ah kan buaipi thotho. Ziangtikah Pathian in kan diknak a langter ding? Ziangti’n si a tuah ding? In hnaihnoktu pawl in kanmah ih kan tuar vekin an tuarmi parah kan diriamzet pei maw?

Israel tlun ih thutthen a si ding thu profet Isaiah in a sim hnu ah Bawipa cu anmah lam ttang a si zia a nemhnget. Sikhalsehla, Yahweh Sabaoth in Amai’ tikcu caan le daan teih a cangvaih ding an hngah sungah le anmah namnehtu pawl mawhphurh an si hlanah mi tampi thihnak an tuar. Cumi cu a ttaza lozet a bang? Asinan Pathian cun an hrangah tthabik in le Amai’ sunlawinak ah A duhnak cu a famkimter ding a si.

Jesuh in tla Amah kan zum le kan ren ruangih dik lozet ih mawhthluk le dodalnak kan ton tikah ziang kan tuah ding timi thu sim ding a nei ve. Luka 21:14-15 sungah kan humhim awknak dingah zianghman thinphan ding a um lo zia in sim. Kan ttul caan ah Amah in a caan te ah kan sim dingmi thu in pe ding, ziangahtile Yahweh Sabaoth cu kan hrangah rintlak le a hngetkhohmi humhimtu Pathian a si.

Ralkap burpi hotu Bawipa, kanmah ai ih Na doneh hlan lo Nangmah rinsan in thin dai te’n hngak thei dingah in bawm hram aw.

Dik lozet ih mawhthluk ka ton tikah ziangti’n ka lehrul pei? Hih lehrulnak hi teh a tthahnem ringring pei maw?

@ Ava Pennington

(Visited 26 times, 1 visits today)

Comments

comments

Comments

%d bloggers like this: