A Dik Rorimi A Si

September 15

Tlawngkai Nithum 

A Dik Rorimi A Si 

Siar:

1Peter 1:3-12 

Hih cakuat sungih ka nganmi hi Pathian zaangfah lainatnak taktak a si ti’n a thei fiangtu ka si ih cuih zaangfahnak sungah hnget tein ding uh.   – 1Peter 5:12 

Kumkhat Sung Baibal:

–   Thufim 22-24

–   2 Korin. 8 

Ka inn zungkhaan phar parih thil taarmi pawl lakah a tthabikmi cu a dik ngaingai a si, ti theihternak caken (Certificate of Authenticity) a si.           

2002 April thla ih US Space Shuttle flight 110 thawn an thlahmi Lt. Col. Rex Walheim in Nitin Thlarau Rawl sungih “Pathian ih sunlawinak hmuh” timi cahram a kengta. Welheim ih i kuatmi caken cu himi cahram hi leilung taanta in Space Shuttle sungah hun ken a si ngaingai, ti langternak caken a si.           

A caancaan ah cuti vek caken kan ttul ttheu. “Pathian ih sunlawinak hmuh” timi cahram hi mi pakhat hmuh tahrat in, “Hih cahram hi Space Shuttle sungah hun ken a si,” tiah sim ningla caken a um lo ahcun i zum lo ding. Asinan Walheim ih caken cu thudik langternak a si.           

Peter in a phuanmi thuthangttha cu Pathian ih zaangfahnak dik a si ti langternak ah caken a tuah. “Hih cakuat sungih ka nganmi hi Pathian zaangfah lainatnak a si ti’n thei fiangtu ka si,” (1Pet.5:12) a ti. A cakuat siartu pawl ruahsannak le raaltthatnak nei dingin harsat tuarnak khal Pathian ih zaangfahnak langtertu dik an si tiah thu a tiam hngai.       

Pathian ih zaangfahnak langtermi na hawl maw? Peter cakuat pakhatnak siar awla a zirhmi parah lungkimnak nei aw.      – Dave Branon    

 Bible cu tlang saangpi vekin a ding,

Minung ih tuahmi tlunlam ah;

A thudik in a palhmi a fiangter,

Ziangtik hmanah an siatsuah thei lo.    – Lillenas 

Pathian rinsan cu A Ttongkam thianghlim rinsan hi a si.

 

(Visited 19 times, 1 visits today)

Comments

comments

Comments

%d bloggers like this: