A Dik Lomi Thil

April 12

Tlawngkai Nikhat

A Dik Lomi Thil

Siar:

Johan 14:1-6

“Rundamnak cu Amah ih sung lawngah a um; ziangahtile Pathian ih rundam mi kan sinak dingah lei khawvel pumpuluk ahhin minung hnenih pekmi hmin dang zohman an um lo,” tiah a ti.  – Tirhthlah 4:12

Kumkhat Sung Baibal:

–   1 Samuel 19-21

–    Luka 11:29-54

Ka ttuanvo cu a olte na’n ka thluak sungah a rak um lomi cu ka thil lei dingmi cazin sungih behrum a si. A poinak cu, ka nupi Sue in thil lei ding cazin a ngan tikah ziangvek behrum ti a ngan lo. Thil zuarnak khaan tluan zate ka hawl hnu ah thil zuartu ka sut ih, behrum hmeh thawl khat ka lei.

Inn ka thleng ih ka thil leimi ka suah tikah Sue ih i cahmi cu behrum hmeh si loin kan tunu Eliana hrangah behrum cawhnawi sawn a si ti ka thei. Thungai thlak in ka hawl, bomnak khal ka dil ih ka hril. Asinan ka hrang siseh, ka tunu hrangah siseh, thil dik lo ka hril ngah.

Riahsiatza a simi cu, mi hrekkhat in nunnak timi dawrah “vancung” cazin kai in an feh. Asinan an ttulmi ngaingai cu an ngah thei lo. Thutakzet le midang ih bomnak khal ngah hman hngai sehla, vancungram a thlenpi hngai thei lo. Ziangahtile thuthangttha dang an pom ruangah a si (2 Kor. 11:4).

Jesuh in, “Keimah cu lamzin le thutak le nunnak ka si. Keimah ihsin siar lo zohman ka Pa hnenah an thleng thei lo,” (John 14:67) tiah a ti. Peter khal in, “Rundamnak cu Amai’ sung lawngah a um,” (Tirh. 4:12) a ti. Jesuh Khrih lawng zum in rinsan thlang aw, a diklomi thu ah lungkim hlah.   –Dave Branon

Lamzin zate Pathian hnen an thleng thluh lo,

Mi tampi ih an sim phuanmi;

Lamzin dik pakhat lawng a um,

A hmin ah Khrih Jesuh a si.  –Sper

Khrih Jesuh lawng Vancungram luhnak sangkaa a si.

(Visited 27 times, 1 visits today)

Comments

comments

Comments

%d bloggers like this: