A daimi thluak

“A Daimi Thluak” 

Siar: Thufim  17:22-28 

Mifim pawl in tampi an ttong lemlo; daite in a um mi cu thil dik hmu theitu an si.

– Thufim 17:27 

Kumkhat Sung Baibal:

–       Daniel 1-3

–       Thufim 17:15-28  

Khristian  pakhat cu a hnattuannak  hmun ih thil dik lo a hmuhmi parah a thin a heng. A vuihramnak aw a theitu a hnattuanpi pakhat ih hmuh daan ah a thinhennak a saangzet a ti. Hiti’n ruahnak fim a pek, “Daite ih thluak khuaruahnak in mi a neh.”

           
Midang thawn kan umtlang tikah lungkim lonak thu a um ttheu. Theihnak fim a neitu zumtu cun amah le amah tla a thei aw ih tthate le remcaang te’n um a thiam.
           
Thufim 17:27 in in simmi cu, “Mifim pawl in tampi an ttong lem lo, daite in a um mi cu thil dik hmu theitu an si” a ti. Asan cu thu kan theihmi le kan ruahmi pawl hi midang thinhenternak ding a si maw? tiin kan cek a ttha. Mifim cun a ttong hlanah thu a ruat ih a tthami lawng a ttong.
           
Thufim in kan lungkim lonak thu pawl kilkhawi awk tthat kan ttul thu in sim. “Theihnak a neimi cu thin daite’n a um. ” Mi pitling cun theihthiamnak a nei ih, thu hnaihnok caan ah daite in a um thiam. Thubuai rehternak dingah kan thinheng caan ih kan ruah daan ttha ding a thupi.
           
Na thin a heng tikah, rei lote cawl lawkin thlacam awla ruat ttha saal taa aw. Thin daite’n um thei dingah le dikzet ih ttong thiam dingah Pathian hnenah dil aw. Daite ih thluak khuaruahnak in mi a neh, ti thei aw.

 

Thinheng laiah ka tuah dah lo,

Zaangfahnak le fimkhur tuahnak;

Asinan ka thil tuahmi tampi ah,

Ngaidamnak dil ttul in ka thei aw.

 Thu el awknak baanter ding caan tthabik cu a hramthok hlan khi a si.

(Visited 30 times, 1 visits today)

Comments

comments

Comments

%d bloggers like this: