A Daan Kel Te'n

August 18

Tlawngkai Nithum 

A Daan Kel Te’n 

Siar:

Daanpeksalnak 6:1-10 

Nangmah lawnglawng ka lo rinsan; A hmunmi na duhdawtnak cu, zingtinte in i theiter hram aw.    – Saam 143:8 

Kumkhat Sung Baibal:

–   Saam 100-102

–    I Korin. 1 

Tthaal caan hi kan duh bikmi a si. Hnattuan kelmi pawl taan tahrat in thin thiang tein caan lawng reipi hman hi nuam ka ti ngaingai. Thil thar va tuah, hmun thar va hmu phah in caan hmannak hin ka nun a hahdamter ih ka tha a thoter saal.           

Asinan tthaal caan ih thil ttha kan tuah kelmi kan cawlh hi ttihnungza a si thei. Tuah ding felfaizet nei cu a ttha. Kan tthathnemnak a karhzaiter, thil thupizet tla kan tuah suak. Tikcu caan hman daan felfai teih neih kan ttul, cu lo ahcun leitlun hi a hnaihnok ttheh ding. Sersiammi pawl hi tikcu caan nei ih feh dingin timtuahmi an si vekin kannih tla tikcu caan nei ih nung ding kan si ve. Rawl ei caan le ih caan tla a tikcu kel te’n hman kan ttul. 

Vei tampi cu tuah daan kelte ih tuah ringringnak in mi a ningter ih thathawh lonak a suahter thei ti’n raalrinnak thu kan thei ttheu. Asinan Bible khal in thil pakhatkhat tuahnak ah a tikcu caankhiah felte ih neih a tthat thu in khihhmuh. David in zingpit caan cu Pathian thangtthatnak caan le A lamhruainak dilnak caan ttha a si tiah in khihhmuh (Saam 5:3, 143:8). Daniel cu nikhat ah veithum thla a cam ringring, thihnak ding thu a theih hman ah a tuahkelmi thlacam a pelh cuang lo (Daniel 6:10).           

Zalenzet le nuamzet ih kan um caan ah Pathian thawn caan hmang tlang loin um ding a si lo. Thlaraulam thazaang nungter ringring ding hi ziangtik caan khal ih kan tuah ttulmi a si.  – Julie Ackerman Link 

Malte cak sin in hmai ah na feh ding,

Zaangfahnak thar pekmi thawn;

Nitinte Runtu na ton ahcun,

Hmun thup le daihrial ah. – Adams 

Bawipa a rinsantu cu an tha a tlung saal ding. – Isaiah 40:31

 

 

(Visited 24 times, 1 visits today)

Comments

comments

Comments

%d bloggers like this: