A Cuai Mi Sweet December Zan

Sweet-december-03

Sweet ka lo leisak ding i ti kha

Sweet December a kim tinten ka mang sal ringring..!

Na hni ringtuk ih kan kiangkap pawl nih mi aa vek in, in zoh mi na thinheng ciamco lai kha..

Dimte ih na cal ka lo hnam ih na thinheng a reh pawl tla!!

Kum khat hnu kumkhat an hla vivo!!

Sinan ka lo ngainak cu a hnget sinsin..

Sweet December hngah na paih lo mi kha,

Keimah thawn a leng ih totlang na duh ruangah ti na rualpa nih in simsal.

Ziangah khami lai caan ah mipa vekin ka parah na lungsung bia i burh lo..

Na feh hnu kha, zaandai khawthim lakah ningtih in, keimah ten ka tlung..

Ka thinlung in ziangtluk a lo hlam ding ti thei lo vekin na rak um hrim maw si!!

Zuun tur nei pa.. Ka lo ngai tuk!

San khat dam bet ding hnak khalin na kiang ih nikhat um ka duh in timi hi na lungtak a silo maw si!!

Rim thaw zaanpar an par lo hmanah na iang ka hrang a thlum tiih na vel hlei hin i hliam na lai..

Faizawng an par thlang, khawsik caan a thleng!!

Na kau mi ka cabu karlak ih Faizawng mum te na ret mi tla a uai ve thlang!!

Hitin kumtin Sweet December ih i hliam ding hi ka zum lo..

Sinan lungawinak thla siseh tiih kan thlacam mi ih kan Amen mi kha tutiang ka ring..

Camkhat te hrang i luahtu..

Sandaih hrang ka rak lo cohlang ngah pang mi hi ka sir awk lo…

Na lei hrih lo mi Sweet lo hlam tum mi ka silo,

Na simfiang hrih lo mi le na rel ngah lo mi i hlatnak khal lo sut ka tum mi si cuanglo..

A cuai mi sweet December zan kan hman mi kha keimah mawh ti ka lo sim duh mi a sisawn!

Laizuun

1/12/15

2:03 am

 

(Visited 118 times, 1 visits today)

Comments

comments

Comments

%d bloggers like this: