A Cemnak Puai On Ni

January 8

Tlawngkai Ninga

A Cemnak Puai On Ni

Siar:

Thuphuan 15

 

“Miphun hmuahhmuah na hnenah an ra dingih an lo bia ding. Ziangahtile a dikmi na thiltuahmi cu mi hmuahhmuah in an hmu zo.”    – Thuphuan 15:4

 

Kumkhat Sung Baibal:

–   Seemtirnak 20-22

–   Matthai 6:19-34

2008 kum tthaal Olympic lek zuam-awknak on puai ih thusimmi ttongfang hrekkhat pawl cu: “a va nasa lawmmam ve,” “thawthawt hman ka sual zik,” “mangbang thlakin a phundang” … tivek pawl in an lawm nasa. Mi pakhat in, “Himi in zuksuai thiam pakhat kha leiteek um loin paisa hman theinak thu na pek asile ziang a cang ding timi a langter a si,” tiah a ti.

Seemtirnak ah Pathian in supmi zianghman a nei lo. Tlolakpi cu a mawizet, mangbangza in a hnok ih a kilkip in a hleifuan.

Olympic puai onnak cu a famkimzet. Hmanseh drum tumtu in maw, a laamtu in ttha le mawizet ih  suai cia vek si loin thlengh sehla a famkim nawn lo ding.

Seemtir hnu rei lo ah cuti’n thil a cang. Olympic puai hotu vek si loin Pathian cun duhhrilnak a pek ruangah Adam le Eve in a ttha sawn ti’n an ruahmi in an thlengh. Profet Isaiah in hiti’n a ti: “Kan zate in a hlomi tuu bangin kan vaakvai, kan duhnak lamzin ciar kan feh” (Isaiah 53:6).

Kan hloralnak parih Pathian ih in remtthat saal daan cu ruah ban rual a si lo. Sersiam saal kan sinak dingah Amah in a man a liam. Seemtirnak on puai a um saal dingih van le leilung ih a ummi hmuahhmuah in Jesuh hmai ah an kun ding (Filipi 2:10). Khrih sungin Pathian ih tumtahnak a cohlangtu pawl cu a famkimmi Jerusalem thar ah Pathian an biak tlang ding (Thuphuan 15:4).                     

 

Seemtirnak ah Pathian cu a maksakzet,

Hmanseh A zaangfahnak cu a tum sawn khuakhua;

Minung in sual tuah in a riah an siatter tikah,

Khrih cu an ai-ah thi dingin a run thlah!

     Kumkhua in Pathian thangtthat ding kan nei, tuih sun in thok aw.

(Visited 20 times, 1 visits today)

Comments

comments

Comments

%d bloggers like this: