A Cawl Lomi Siatsuahnak

October 30

Zarhte Ni

A Cawl Lomi Siatsuahnak

Siar:

2 Sam. 12:1-14

Hiti in ka thukham na thlun lo ih Uriah ih nupi na ruk ruangah na tefa sin hrekkhat pawl cu san khat hnu san khat ah saarthih in an thi ringring ding.   -2 Sam. 12:10

Kumkhat Sung Baibal:

–   Jeremiah 20-21

2 Tim0te 4

Atu le atu buainak a tuahtu nauhak pa cu a nu le a pa in thinhengzet in an kawk tikah ngaithiam a dil ttheu. Amah ruangah a nu le pa ziangtluk an thin a nat khal le in ngaithiam ko ding ti ruahsannak thawn buainak a tuah ringring thotho.

A netnak ah, a pa in an mawttaw inn sungah a fehpi ih nun a sim. A pa in sobul a laak ih mawttaw inn phar parah tlawngkhen pakhat a khenh. A pa in sobul cu a fapa a pek ih, “Hih tlawngkhen hi phong saal aw,” tiah a fial.

Nauhak pa cun sobul cu a laak ih tlawngkhen cu a phawt tikah a phawt thei.

A pa in, “Ngaithiamnak cu hivek a si. Thil sual na tuah tikah tlawngkhen khenmi vek a si. Ngaithiamnak cu tlawngkhen phawi saal vek a si,” tiah a ti.

“A si, ka thei fiang zo,” tiah a fapa in a let.

A pa in, “Sobul laak awla tlawngkhen khennak hmasi kha dir suak aw,” a ti.

“A cang thei lo! A ongmi cu ziangti’n ka diir saal thei ding,” tiah a fapa cun a ti.

Hih thuanthu vekin David siangpahrang cu a sual tuahnak man in a thlun. David cu a sualnak ngaidam sihmansehla, a ttaangttawm sualnak le a mithahnak hmasi ruangah a innsang ah buainak a taang (2Sam. 12:10). Hih a nasazetmi thutak cu kan nunnak ih raalrin thiamnak hrangah kan hmang thei. Sualnak ruangih siatral cuahconak kan hrial theinak lamzin cu Pathian thungainak a si.  – Dave Branon

Thlacamnak:

Thinhennak ah khulfung in lainatnak a neitu Bawipa ka lungawi.

Ka sualnak man tuar ding tampi hmanseh,

Na ngaidamnak a um ti thei loin ka um.

Ka sualnak phuang in sualnak tuah nawn lo dingah i bawm aw.   Amen

Kan sualnak cu ngaithiam le kholhfai theih a si,

Sihmansehla ka sual man cu kan tuar ve a ttul.

(Visited 23 times, 1 visits today)

Comments

comments

Comments

%d bloggers like this: