A Cang Thei Lo maw?

Siar:

Matthai 5:38-42

Mit ai ah mit, ha ai ah ha, tiih an simmi cu nan thei. Sikhalsehla Kei cun hiti’n ka lo sim. A lo tisiattu parah phulei va sam hlah uh. –Matt 5:38-39

Kumkhat sung Baibal  – Seemtirnak 46-48           – Matthai 13:1-30

Noble laksawng tawlreltu chairman Gunnar John in Martin Luther King ih 1964 daihnak hrang laksawng a ngah thu simnak ah Jesuh ih ttongkam a hmang. “Mi pakhat in na vorhlam biang a lo beeng asile na kehlam biang khal tun lawlaw aw,” (Matt. 5:39). “Phunhnam pakhat ih bangran covo ngah theinak ding hrang cangvaihnak a hohat ruangah si loin a zuamnak cuai a thlai daan par sawn ah a hmin a thang,” a ti.

1955 ah Martin Luther King in Bus car parih tonak thleidannak a um ruangah kumkhat sung daite ih dokalhnak a hruai. Mankhungzet a pek, a tuar nasa. A inn bomb an phuah sak, an kai, thawng an thlak. Asinan ziangtik hmanah phulei a sam dah lo. A netabik ah an that. Daite ih a thiltuah daan cu ka sakhua mizia thawn a dang awtuk. Tu rori ah diknak ka duh. Lehrul ka duh. An tuah sual man kuanter ka duh. Biang khatlam mi tun bet ding ka duh lo.

Haddon Robinson in Jesuh ih Tlangpar Thuzirhnak (Matt. 5-7) hi a cang thei lomi an si lo. A dungthluntu pawl tumtahnak thar thawn nun daan thar neihter hngai a duh ruangah a si, a ti.

Dik lonak sungah biang khatlam tun bet thei dingin raltthatnak, zumnak le thazaang cahnak kan nei thei pei maw?

Huat awknak ruangih lunghakmi pawl hnenah ka lo thlah,

Hmu thei lo dingih mit cawtter mi pawl hnenah;

Thiisen liamnak ui lo ih liamnak,

Kalvari nun tep dingah ka lo thlah.

Midang sualnak lehrul lo dingin thazaang cem a ttul.

Comments

comments

Comments

%d bloggers like this: