A Cakmi Sersiamtu Pathian

June 13
Tlawngkai Nithum

A Cakmi Sersiamtu Pathian

Bible Siar Ding: Job 38:1-41

A hmaisabik ah Pathian in lei le van tla a seemsuah.
– Seemtirnak 1:1

A hmaisabik hmin, Pathian amah rori in A Ttongkam sungih a phuanlang awknak hmin cu “Pathian (God)” asilole “Elohim” timi hi a si. Cuih hmin in kan biakmi kan Pathian cu “A Cakmi Sersiamtu” a sinak in theihter.

Hih Bible caang hi atu le atu kan siarmi a si ih, a hmual neihnak a hlo zik a bangmi cu: “A hmaisabik ah…..” timi hi a si. Pathian in a um ciami thil la tahrat in a dang thil pakhat a sersiam a si lo. A kauzetmi tipithuanthum sungih rannung fatezet khal khi a sersiammi an si. A kauzetmi van tlolakpi sungih a zammi tleunak fate khal khi a um lomi sungin a umtermi a si. A saangzetmi tlang saang lakih a fatezetmi le a taimazetmi sihte fate pawl khal khi zianghman um lomi sung ihsin a seemsuahmi an si.

Cule rong pawl (colours)! Pangpang rong mepian (blue) le a aihre (yellow), cherry par mumtulut paanzawng (pink) le hramlak ih hrampi hring (green), pawl hmuahhmuah tla khi leilungpi – zuksuainak canvas a tuah hlan ihsin Pathian thinlung khuaruahnak sungah a um thluh cia zomi rong pawl an si. Sersiamtu Pathian in sinfen thuamhnaw le hni le puan pawl khal ruang a zing cia thluhmi an si ih awn-au (sounds) le rim (smells) pawl khal a sersiammi an si ih Thumthlak Pathian sunlawitertu hlir an si.

Sersiamnak sungah Pa Pathian lawng si loin Fapa Pathian le Thlarau Thianghlim khal an tel ve. Thuthangtha Johan in, “Amah sung ihsin Pathian in ziang hmuahhmuah a seemsuah; seemsuahmi thil hmuahhmuah sung ahhin Amah (Jesuh) tel lo ih tuahmi pakhat te hman a um lo” a ti (Johan 1:3). Seemtirnak 1:2 ah, “Pathian ih Thlarau cu tipi parah a leeng” ti’n kan hmu. Thumthlak Pathian cu sersiamnak sungah an tel thluh ih cumi cun Sersiamtu Elohim Pathian ih sunlawinak an langter a si.

Elohim Pathian, ka kimveel ih Na sunlawinak phuanglangtu sersiammi pawl hi hmu fiang thei dingin in bawm hram aw!

Ka kiangih ummi thil pawl ihsin i Sersiamtu Elohim Pathian hmu thei dingin ziangti’n tikcu caan ka hmang pei?

@ Ava Pennington

(Visited 22 times, 1 visits today)

Comments

comments

Comments

%d bloggers like this: