A Aami Innsaktu pawl

January 14

Tlawngkai Nikhat

 

A Aami Innsaktu pawl

 

Bible Siar Ding: Matthai 7:24-29

 

Curuangah hih ka ttongmi a thei ih a thluntu cu

lungpi parih inn saktu mifim pa bangtuk a si.

–         Matt. 7:24

 

Florida thlanglam kau ih umtu pawl cun kumtin thlisia hrang (hurricanes) ih ttihnun zia cu an theithiamtuk. Mobile homes ih umtu pawl cu thlisia a hran tikah tuar theinak innhrampi sak theih a si lo ruangah hmun dang ih tthawn dingin ralrinnak pek an si. A caancaan ah kum reipi um zotu pawl cun ralrin peknak hi aazet le zianghman siar loin an umsan men ttheu, ziangahtile atu le tu an thei tamtuk zo ruangah. An himnak cu hmundang ah tthawn uh tiih ralrin peknak au aw an theih (hearing) ding lawng si loin fimkhurzet ih an thlun (wise response) ding khi a si.

Biakinn sungah to tahrat in, thuthangtha simmi kha, “Himi thu cu ka theih cia bang” ti’n na ruat dah maw? Cuih thuthangtha simmi cu mikhual pawl hrangah a si ti’n ruahsak a theih. Mi hrekkhat pawl cu an nun sung hmuah khawm pelh loin Biakinn ihsin thuthangtha an ngai, Jesuh ih thu an thei, asinan an nunpi lo. Cumi cu vutnel parih innsaktu pa vek mi-aa an si.

Jesuh in a thusimmi hna ih theih lawng men in a tawk lo a ti. A rundamnak laksawng cu cosaang in, nun daan ding in zirhmi a thuthlun ding le kan theihmi thuthangtha nunpi ding hi in duhsakmi a si. Kan theihmi thutak kan nunpi thei asile a fekmi innhrampi neitu kan si ih kan nunram ah ziangvek thlisia hrang hmanseh in humhim in in bawm ding a si.

 

Vancung ih um ka Pa, Na Fapa Jesuh sungin rundamnak in pek. Thuthangtha thei thei dingah le ka nunnak pumhlum in cosang ih thuthlunnak nun ka neih theinak dingah in bawm hram aw.

Pathian Thu ka thei nacing ih ka thlun duh lomi ziang a um?

Tuni ah cumi cu ziangti’n si ka nunpi thei ding?

 

@Ava Pennington

Comments

comments

Comments

%d bloggers like this: