88 Generation Tlawngta Hruaitu Pawl Suu Kyi Lam Tang

BBC | January 23

Kawlram cozah in kum reipi sung thawng a rak thlakmi 88 generation tlawngta pawl cun January 19, tlawngkaini nga ah Yangon khawpi, Taw-Win-Cin-Ta ih thuthanglatu pawl kawmnak an neih hnuah 88 generation tlangta pawl cun Suu Kyi lam tang an si thu an tarlang asi.

January 21, tawlangkai ninga ih thuthanglatu pawl kawmnak an neih tum ah 88 generation tlawngta hruaitu Ko Min Nein cun kum 1988 thil thleng ruangih ram rak suahsantu tlawngta pawl thawn kutkaiaw leh in ram hrangah le mipi hrangah theitawk ih hmalaknak an neih tum thu le ram remthatawknak hrangih tuah tulmi khal ah phur zet ih tel vivo an tum thu a rel.

Lailak-hrilawknak ih Suu Kyi a tel ding thuah Ko Min Nei cun Suu Kyi in lailak-hrilawknak ih tel a tum cu pumpekawknak taktak a si thu le huaisennak diktak nei lo cun tipitlin a theih lo thu a rel ih cuhleiah an mah vekih kaihhrem a si hnu khal ah ram hrang le mipi hrangih ram thansohnak hrangih a pumpekawk vivo ihhleiah tawng rerotu men silo in a tuansuaktu rori a si thu a rel. Ko Min Nei cun hivekih Suu Kyi a pumpekawknak an hmuh ruangah Suu Kyi ih thu ticatmi cu ziangkim an bawmpi ve thu a rel ih a tulnak khal in bawmnak pe ding ah 88 generation tlawngta pawl cu an um ringring thu a rel tel bet.

88 generation tlawngta pawl cun ramthukhel party taktak din an tum le tum lo thu an relnak ah cun Ko Min Nei thotho cun ziangvek ih zalen in 88 generation tlawngta pawl in ramthukhel in ramsung ah an um thei ding ti le ram remthatawknak ih tel ve hrihlotu pawl ziangtin an tel ve ding ti an ngiahtuah fel hnu lawngah ramthukhel party ngaingia an din tum a rel.

An rualpi dang pawl lailak-hrilawknak ih an tel ding thu thawn pehparawin Ko Min Nei cun theihthiamnak thawn an ngaidam thu a rel ih a sinan an telpi ve lo ding thu a rel.

(Visited 35 times, 1 visits today)

Comments

comments

Comments

%d bloggers like this: