Rian culole Thi

Rian culole Thi

Siar:

Marka 10:35-45 

Mi Fapa hman hi renmi si loin mi riantu si dingah a ra.          – Mark 10:45        

 Kumkhat Sung Baibal:

– Ezekiel 25-27

– Thufim 14:1-11 

Dr. Paul Brand in mi maksak Pierre timi France mipa ih thu i sim. Amah cu an ram naingnganzi lam tluksiatnak remh tthat tumtu Paliment sungtel pakhat a si. Thlatang khawsik a luarzetlai caan ah Paris khuapi sungih kutdawh tampi cu an khua a siktuk ruangah an thiisen a kang ttheh. Pierre cu a riah a siatuk ih kutdawh pawl lakah caangvai in an hrangah hna a ttuan.
 
Kutdawh pawl cu a burbur in a tthen hngai ih Paris khuapi sungah palang kawlawng pawl khawm in an kholhfai ttheh. Mi ih duh nawn lomi tlakrawh thawn thilri retnak innpi an sak ih palang kawlawng pawl an ret. Kutdawh pawl an zaten ttuanvo pakhat ciar anmah hnak ih a harsa sawn mi kutdawh pawl bawm dingah ttuanvo a pek hngai. An tthangso vingvo ih a rei hlanah Emmaus timi harsa bawmnak pawlkom an dinh.
 
Cumi hnu cun Paris khuapi ah kutdawh hmuh ding an mal ngaingai. Cuihsin Pierre cu India ram ah a feh. “Ka minung pawl hnakih farah sawn ka hmuh pangah” a ti. “Annih cu thil tithei huham nei, pawlkom cakzet an si dingih an thinlung retheinak a hlo ding. Mi ih peek an ttul nawn lo ding.”
 
India ram ah miphar tampi a va hmu. France ram ah a tlung duak saal ih India ram ah “Miphar Siizung” saknak ding a tawlrel. Miphar pawl in lungawithu an sim tikah, “Hivek in ttuansuak tertu cu nanmah nan si” a ti hngai.
 
Ruathnik
Marka 10:35-37 sungah Jeim le John in ziang an hawl?

Leitlun thuneihnak thawn pehpar in Jesuh in ziangti’n a sim? (c. 42)

Jesuh dungthluntu ih danglamnak cu ziangmi pawl an si? (c. 43-45).

 
Hnattuannak hmunram na duh taktak ahcun na kiangkap zoh ttha aw. 

Comments

comments

Comments

%d bloggers like this: