October 19

Tlawngkai Nikhat

 

Pinsin Laak Caan

 

Siar:

Matthai 16:24-28

 

Ziangahtile zokhal mai’ nunnak hum a duhtu cu a nunnak a sung ding; asinain Keimah ruangah a nunnak a liamtu cun a nunnak a hum ngah ding.        -Matthai 16:25

 

Kumkhat Sung Baibal:

          Isaiah 56-58

–          2 Thessalon 2

 

Jane Hanson cu kum 40 tlawng saya a ttuan hnu ah a pinsin. A pasal thawn tu hmaisabik hmel hmuh ding hngakhlap rero in an um.

   

Hnattuan pinsin caan cu mi tampi cun colhhahdamnak, khualtlawnnak le mah duhzawng tuahnak caan ah an hmang. Asinan Jane cu an inn kiang ih mino pawl hnenah hnattuan a ttul ti a thei ih Pathian hnattuannak ah tel ve a duh. “Nauhak pawl in in hngak ih an hrangah tthathnemnak ka nei ding,” a ti. An ram sung raal buainak ruangih an tlakter mi Liberian mipa nauhak pa hnenah Mirangca a zirh thok. Asinan anih cu cuih hmun ah ttihphaan um lonak a um ih ttong thar a thei lo. Jane in hni phah in, “Um men lo dingin dawr le bazaar ah thil ka lei, amak daan cu,” a ti.

                       

Jane cun mi a bawm thiamtuk. Jesuh in Keimah ruangah a nunnak a liamtu cu a nunnak a hum ding,” a timi a thei ngah (Matt. 16:25). Mai’ nunnak taanta in midang bomnak ih Pathian hrangah pum a petu cu Pathian in laksawng a pek saal ding (c.27).

                       

Pathian le midang duhdawtnak in Jane ih nunzia thlun uhsi! Ziangtluk kum upa kan si hmanah!

           

Jesuh hnenah rin-um mi si uhsi,

Zumnak kan phuanmi tharter uh;

Zingtinte A hnenah hih thu hi sut aw,

Bawipa ziang tuahter in duh?

 

Bawipa ih hrangah hna ttuan aw –

Pinsin a lo pek ding cu hih leitlun ah a si lo.

(Visited 13 times, 1 visits today)

Comments

comments

Comments

%d bloggers like this: