Muvanlai Pakhat Thuanthu (2-3)

Muvanlai Pakhat Thuanthu (2)

12803165_1043568865700397_2371557167040732451_n

Sianglianuk Kianghrol

Vei khat lai ahhin siangpahrang pakhat in laksawng ah muvanlai mawi zet pahnih a ngah. Cui muvanlai pawl cu a hmuh dah mi vate hmuahhmuah lakih mawi bik an si. Curuangah zuan le nundan zirhtu ding ah muvanlaizirhtu thiam bik a fial.

Thla tam a liam hnu ah muvanlai zirhtu cu siangpahrang hnenah a ra ih, muanlai pakhat cu mawi le ropi zet in a zuang zuaizo rero nan, a dang pakhat cu a ra thlen pek ihsin thingkung hngettek pakhat ah a fu ih, a zuang duh lo lawlaw tiah a ra sim.

Curuangah siangpahrang cun a ram sungih dawithiam le mi fim hmuahhmuah a ko khawm ih muvanlai cu tuamhlawm a fial. Asinanmuvanlai cu an zuangter thei cuang lo.Siangpahrang cun a khawnbawl le tlangbawi pawl a fial lala. A thaisun ah siangpahrang cun tukvirh ihsin khua a vun cuan ih muvanlai cu a futnak thing hngettek ah a um lai thotho ti a hmu.An zuamnak hmuahhmuah a tthathem lo ruangah siangpahrang cun, “Hramlak umtudan theithiamtu cun himi thubuai ih umzia a thei deuh men ding,” tiah a ruatsuak. Curuangah, “Lothlopa pakhat va ko uh,” tiah a fial.A thaizing ah siangpahrang cun muvanlai cu siangpahrang inn ih hmuan sungah a zuang zuaizo rero ti a hmu ih a mang a bang zet. Curuangah, “Thil maksak a tuahtu hi ka hnenah run hruai uh,” tiah thu a pe.Lothlopa cu an va hruai lohli. Cutikah siangpahrang cun, “Ziangtin muvanlaikha na zuangter thei?” tiah a sut.
Lothlopa cun, “Thil olsam zet a si, siangpahrang bawipa. Muvanlai ih futnak thing hngettek kha ka sat thlaksak men si lawm,” tiah a sawn.Kannih khal hi a sannak hmun thleng ding ih tuah mi kan si. Kanmah ahhin zum ban lo khop ih a tam mi thazang le thil ti theinak an um. Asinan can tampi ahcun kan futnak thing hngettek ah kan to ringring ih, kanmah thawn a naivai mi le kan nel cia mi thil kha kan pawk hnget eu-eu. Kan si thei mi thil siar cawk lo a um ko nan, hawl lo in kan um. Kan nel cia mi thil, a hahdam mi nun, le thil zaran menmen pawl lakah kan nun kan herkualter. Curuangah kan nun cu dinhmun sang ah thleng lo in zaran men ah a tang ttheu. Sunglawi zet ih kan zuansuah theinak ding ah kan ttihphannak thing hngettek kha sat tan in, kanmahte’n zalennak pe aw ding kan si.Credit: Ngantu theih lo.

Muvanlai Pakhat Thuanthu (3)

Muvanlai hin thlipi a hran ding tikah a hran hlan reipi ihsin a rak thei cia ti na thei dah maw?Muvanlai cu a sannak hmun pakhat ah a rak um ih thli a ra thlen ding a rak hngak.

Thlipi a ra thlen tikah, thli in tlunvan sang ih a thlir soh theinak ding ah a thla a pharh. Curuangah thlipi hrang rero tlun ah a thleng. Thlipi in hnuailam ih thil ziangkim a nuai siat rero lai khal ah, muvanlai cu tlunvan sang ah ropi zet in a zuang zuaizo rero.Muvanlai hi thlipi hrang lak ihsin a luat lo ih, hrial khal a tum lo. Thlipi kha tlunvan sang sinsin ih amah thlirsotu ding ah a hmang sawn. Thlipi a rak kengtu thli kha hmang in tlunvan sang ah a zuang.
Kan hnenih nunnak thlipi siava a ra thlen can ah muvanlai vekin thlipi tlun ah kan kaiso thei ve. Damlonak, vanduainak, lungngainak, hlawhsamnak tivek pawl kan nun ih a ra thlengtertu thlipi kha tlunvan sang ih kaisohnak ah hmang in, thlipi tlun ah kan zuang thei ve a si.Tu ih na hmaton a ttul mi ngenngiarnak thupi bik ziang a si? Cahnah parah vun ngan lohli aw. Cu thluh ah tlunvan sang ih a lo khaisotu ah hmang aw.
Hram: Ngantu theih lo ih “Soar Like An Eagle.”

Comments

comments

One Comment

  1. Run Herh Ling says:

    Nan tar tha tuk. Lungawi.

Comments

%d bloggers like this: