Chin Hill Resettlement Concert Hrang Awnmawi Tumtu Ding Tahan An Thleng Thlang

12395506_1023613241036054_1144855950_n

Thawng2, John, Cung Aung, Israel, Roland

Chin Hill Resettlement Concert Hrang awnmawi tumtu ding pawl Tahan an thleng fel zo. Tuisun ah Falam Phunsang Tlawngta Pawlkom pawl le hlasaktu ding pawl thawn tonawknak, tuahsin tiimlaamnak an nei cih. Tuini ih Yangon ihsi ra thleng zotu pawl tu Cung Aung – Guitarlist, Israel VSL – Hlasak, John LSL – Bass, Roland – Keyboard pawl an si.

Laitlang ihsin hlasaktu ding Salai Cung Lian Thawng, Yangon ihsin Myanmar Girl pawl khal thaisun lamah Tahan a thleng ding. Awnmawi tumtu ding pawl cu Cung Aung – Guitarlist, John LSL – Bass , Suu Lay – Drummer, Roland – Keyboard, Van Ee Thang – Keyboard pawl an si ding. ‘Tui ni cu Hall lam ceimawinak le donsang tuahthatnak in caan kan hmang ding.

Thaisun lam ah mallai kan tum ding. Nasaten kan tiimlaam tiah’ John LSL cun a sim. Chin Hill Resettlement Concert cu December 19 zan ah Tahan EFC hall ah tilian le leimin ruangih harsa pawl hrang sumpai hawlnak tuahin awnmawi tumnak le hlasaknak thawn tuah tum mi a si. Himi concert hi Chinland Today Media in a bulhram sponsored nak thawn tuahtum mi a si.#

12395345_1023613394369372_610315198_n

Comments

comments

Comments

%d bloggers like this: