Israel In Iran Nuclear Do Tum

Israel ralkap thupuangtu cun Iran in  Nuclear ralthuam hmangih Israel kahsiat a tum nakcu Israel cun a do vivo ding tiah a puang. Israel Prime Minister, Benjamin Natanyahu khalin Iran Nuclear ralthuam  lamzin titawp saktu dingah cun Israel locu ram dang an umlo ih Israel cun a ram humhim nakding cu a tuah dingmi a si a ti.

Israel ral bawibik Gabi Ashkenezi khalin  Iran Nuclear Programme cu a theih dandan lamzin ih titawp sak a tul a si a ti. Iran in Nuclear ralthuam a nei a si ah cun Middle East ih ram Cozah hngetkhoh neitu pawlcun  an tuar zet ding a si tiah an ram Foreign Affairs and Defence Commitee hmaiah  Gabi Ashkenezi cun a sim.

Surbungtlang Thuthang Siarbet

Tu ah hin US leh Iran cu Nuclear ralthuam thuhla ah an be aw rero hman hai sehla  Israel cun a ram humhim nakding ah a tuah dingmi cu a tuah thotho ding a si a ti. Relzo vekin Iran hin Israel hi a hua zetih, Leitlun ram ihsi a nuai hlo tumthu khal a au suahpi ringring ih, Israel khalin Iran Nuclear ralthuam hmunpi kahsiat sak a tum thu nikum ah khan  US President, Bush kha a rak rawnzo ih, Asi nan Isreal in Iran Nuclear ralthuam hmunpi a kap a si ah cun Iran in Iraq leh Afghanistan ramih US ralkap hmunpi pawl kahve a tum ruangah Bush in Israel cu Iran kaplo, dingih sup aw dingin a rak don nak a si. Israel cun Iran thawi an karlak ah ralkap cahnak hman mailo cu tuah dingdang leh hril dingdang a neih lo thu a sim.

(Visited 30 times, 1 visits today)

Comments

comments

Comments

%d bloggers like this: