Obama in A Hna Ttuanpi Ding Mi Pawimawh Pawl A Ruat

President Obama Speaks On The Economy In The White House Briefing RoomUS President, Obama cun a term hnih nakih  a hnatuanpi ding mi pawimawh pawl a ruat rero laiih, Secretary of State,dingih John Kerry a ret hnuah Defence Secretary, ttuan dingin Vietnam ral laiih ralkap huaisen raktha zet Republican  Senator hlun, Chuck Hagel cu a ruatih, CIA Director dingah John Brennan khal a ruatcih.

Defence Secretary, dingih  Chuck Hagel a ret tum mihi elbuai awknak malte a suakter deuhih, Republican Party  suang khalah himipa duhlo tu ziangmaw zat an um tiah theih a si.

Chuck Hagel hi Iraq donak khalah ngaidan danglam  deuh neitu ih ruahmi a siih, asinan Secretary of State,dingih Susan  Rice a ret  a tum mi a tlawlh ruangah  Defence Secretary, dingih  Chuck Hagel ret a tumnak hicu a sutsal dingah zum a umlo. Defence Secretary, ih Chuck Hagel leh CIA Director, ih John Brennan a ret ngah a si ah cun  Secretary of State, John  Kerry thawn US ram Cozah kaitu mipawimawh langsar lu leh dan  an si thlang ding.

CIA Director, tharding John Brennan khalhi  mi rel sawisel deuh rero zomi a  siih, kum 2008 ah khan CIA Director ih ret tummi a rak sizo nan a mah in a el ruangah  midang an ret nak a si. John Brennan hi Osama Bin Laden thah danding ngaihtuah suaktu lakih tel mi pawimawhzet a siih, Yemen , Middle East  ram dangdang leh North Africa ram pawlih misual Terrorism pawl donak leh kaih danding tawlrel tubik leh ral dodan leh ralreel thiamzet a siih, Guantamo Bay thawng In  tuahding thu kahlah khami laiih CIA Director, George Tenet ih kut leh ke bik a raksi ih, mi taimazet leh thil cik fekfek leh ca siartamzet mi a si.

Syria President, Assad Tlawm A Tum Lo

Syria President,  Assad cu a dinhmun a cepther zetin caauraauzet thlanghman sehla a mah dodaltu Opposition pawl hnen ih tlawm a tumduh cuanglo tiah theih a siih, an ram buainak hi kum 2 a kimzet thlangih minung 60.000 lenglo an thizoih, himi cingih a tawpthleng ttan a tumthu a puan ruangah an ram mipi hrangah siatnak tawpkhawk  thlengkhal sehla pawi tinak a nei nawnlo tiah ruah a si. President Assad hi a mai ralkap pawlih um dan leh dinhmun khalhi fiangten a theifiang thei nawnlo tiah theih a si.

An  ram khawpi Damascus khaw hnarih meithal leh Bomb cat  lo ih a puah rero lai khalah a mah dotucu ram dingmi an si tiah a puh thotho ih, a mai ram mipi in hlawnthlak in duh tihi a pawmduh cuanglo ih a ram mipi parah ralthuam ttihnung Tur tel ralthuam  a hmangduh maiding tiah  ramdang pawlcun an zum thlang.

Comments

comments

Comments

%d bloggers like this: