Nunphung ih Muril “Ṭong le Calai”

Nunphung ih Muril “Ṭong” le “Calai”

Tulaifang hi kan Chin Calendar zoh ah Faang-er thla a si ih Kan suahseemnak le kan laihri phumnak Lairam (Chinland) ah le kan umnak khua le ramtin ah Chin Kum Thar (Faang-er) [Chin Harvest Festival] Puai hman culci laitak a si.

Curuangah a tikcu caan le a nikhua umtu daan in ka thinlung i tthanghharhzet ve.

Kan ṭong le Calai sunglawi Pathian ih in thluasuahmi pawl hi Kan humhual ding ti vial lawng ah tawk ti le lungkim mai loin,

Kan sunsak (honor) ding Man kan neihter (value) dingih kan khaisang (improve) ding timi thinlung le kekar cangvaihnak sawn hi thupitter sehla ti’ ka sawmngiar aw duh.

Thil ziangkim khi mipi in an duhzet ahcun a tthangso, a laar ih a sunglawi si mai. Thingkung khi rannung in an siatsuah pang ding tiih kulh le humhual a ttul vekin A thupizet sawnmi cu tthang dingin tidai toih le dawm ttha pekih cawmdawl a ttul ve.

Curuangah kan Ttong le kan Calai humhim le khaisang kan duh taktak a si ahcun,

Sunsakzet in nitinte innsang, kawhhran le khuatlang pehtlaih awknakah
Kan ttong te thawzet le lungkim diriamzet in hmang ringring sehla,

Kan fanu/fapa, tunu/tupa tesin fapar tthangthar nonawn pawl hnenah
San khat hnu san khat ro sunglawi ah roh aw sin vingvo cio uhsi la,

Pathian ih in pekmi kan Laica (Calai) hi lungrual te’n hmang bangrep vialvo thei sehla;
Nitin cat baang loin Laica te rori in Bible le Ca dangdang siar ringring sehla,
Telephone SMS ihsin thokin email le facebook ah Laica felfel hmang fekfo cio sehla,
Sunloih le khaisan hi Humhual a thupit hnakin a thupi sawn timi hmu fiang sehla………

Maw…..Kan Ttong le kan Calai te hi
Leitlun ih Nunphung le Languague saangbik neitu Mirang pawl in a tthabik tiih hrilmi,
Ram uktu Acozah rori in pompi in Kawlram Radio Awsuah rori ih hmantermi,

Phundang in kan sim asile…..

Offiicial Languague or Common Languague a si ciazomi hi,
Nungdam in tthanglian sinsin seh ti a duhtu ih piang cun,

Nahsuahtu pawl ih au awkhawk “Kan Nei Lo” timi hi aupi ve nawn loin,
Kan Nei Zo” timi thinlung diriamnak thawn cosaang le sunloih thiam in…

Kan “Ttong duhnung te” hi hmang ringirng uhsi!
Kan “Calai dikfel te” hi siar in ngan ringring uhsi!

Cuti cun……………………

(Visited 98 times, 1 visits today)

Comments

comments

Comments

%d bloggers like this: