Cathiam Ka Ti Bikmi

Cathiam Ka Ti Bikmi

Mai Zilthli Lal Nei Thluai

Angki dum tial: Mai Thluaite

Ka Nauhak te lai ih ka Pa in in rak sim dahmi thu tutiang ka mang ringring lai. Kan khawpa pakhat (a hmin cu ka cing nawn ngelcello, kan khua cu Thlancing a si) cu phunra a phi ih kumkhatnak ah a ong cih vurvo. Asina’n B in a ong. (cumi san lai ahcun phunhra hi A ih on le B ih on ti a rak um si hmang). A thin di a riamlo tuk. A ih on tengteng dinghi  duhthusam cu a si.

A hmaikum ah phunhra cu a phi lala. Asina’n B thotho in a ong. A mah hi cathiam zetmi a si. A kainak tlawng tinkim khalah saya pawl in an rinsan thei ngaingai. Thinnau, beidawnglo te’n a kumthumnak phunhra cu a phi leh lala. Cukhal cu B thotho in  ong. A mah hi cathiam ngaingai a si ruangah phunhra an phit lai ih a kiangkap ih to, cathaim lemlo pawl hmanin A in an on phah thluh. A mai’  zarah mi tampi A in a ong rero na’n a mah bikbik cu B lawnglawng a ong ti cu mangbangza ngaingai a si.

A hmaikum, kum 4  nak khal cu thanau lo te’n a phi leh lala. Asina’n B thotho in a ong leh. Cuti’n nupi a neihsan. Asina’n a nupi neih hnu khalah phunhra phit cu a bang cuanglo. A phi pehzawm vivo thotho. Kum 10 tiang phunhra a phi na’n B thlir in a ong.

Nang cun cathaimlo zet in tla na hmu menthei. Asina’n kei cun ka mi theihmi lak ahcun cathiam ka tibikmi a si. Ziangah tile phunhra kum 10 a phi ih A in a onglo ti men a si. Veikhat te hman a sung dahlo. Kei cu 2007 kum ah phunhra ka rak ong ve dah. Asina’n tu ah in phitersal sehla ka ong lala tengteng rori ding ka ti ngamlo. Nang teh na ti ngam ve maw? Phunhra kumhra a phi ih a vei 10 te rori in a ong ti cu a ropi ih mi cathiam pakhat rori a si ti’n khal ka pawm hnget.

Cun, phunhra kumhra tiang rori phi paih cu mi mak ngaingai a si ti’n tla kan ti thei. A uar um ngaingai. Cupa in a t’awngmi cu “tlawng ka rak kai dah ih ka sir aw tuk ti a um dah kello. Tlawng ka rak kai lo ih ka sir aw tuk ti lawng a um. Curuangah, nan nolai caanah tlawng kai uh. Tlawngkai uh” a ti. Cumipa hi a taktak ah ka theih dahmi le ka hmuh dahmi cu a si lo na’n ka Pai’  in sim zarah a t’awngmi cu ka hnathlam ah khawri bang in an anthawm a khawk ring ngaingai!

(Visited 54 times, 1 visits today)

Comments

comments

4 Comments

  1. A thiamnak hi lamdang thei lo a rak si hi a hngetkhoh mi thiamnak a si in ka hmu.Thluaite na ca ngan a ?ha thei tuk siar manhla tuk..zuam sinsin w maw.

  2. Van Nei Zing says:

    a va tha ve. tumtah nak muril nei tu cu can ziang maw zat rei khal len beidong in a kir san mai thei lo ding thildang pehtlaih mi nei hman sehla a khatlam kut in a kai hnget thotho. cu cu hlawh tlin nak mulril tak cu a si.
    thazang ka hgnah zet.

  3. Thluaite hi vek ciah2 hi kan khua ah um ve si ..
    A hmin cu Van Lal Bia si ….
    tu ah cun korea ah a um ih, a nufa pawl cu kawl ram ah an um..
    Na cangan mi ka vun siar cu kan khua pa ..
    ka mitthlam ah a vung cuang dukdi…
    Na ti tha tuk ..thazang ka ngah nasa…..

  4. Mai Zilthli Lal Nei Thluai says:

    @Luaite, ka ca na siar le commented nak thawn i ron reply sat’heu ih ka lungawi tuk maw

    @Van Nei Zing, so rori an tumtahmi pakhat parah tumruhnak an neihzia hi uar a um tuk. Thazang na rak ngah thei ih ka lungawi ve ngaingai.

    @Crazylove, wooo…. kan mitheihmi cu an thuanthu a rak bangaw ngelcel ual ti!! Uar an um tuk ti aw! an nunte hi cawntlak zir tlak ka ti ngaingai.

    Commented in petu le ka ca in rak siarsaktu zate tlunah tampi ka lungawi.

    Mai Zilthli LNT

Comments

%d bloggers like this: