28.3.10 Falam Times

Lairam thuthang

Kalaymyo Inn Kang

24.3.10 mizzima/CT. Sagain Division, Kalaymyo khua, Pinlung veng ih Inn-8 cu 24.3.10

ah mei in a kang ih minung 47 in inn le Lo neilo in an um.  Mei kang a thok nak hi U

Kyaw Khine ih mei duah daithlan ruangah Ruaphar ah kai in cu tin Dii ah kai so in kang

hliau suak a si ti thu U Phoe Nyi in a sim.

Kangmei hi zing nazi-10 hrawngin a suak, asinan, kangmei a suah nak kiangah Meisa

thattu pawl office a si ih a rei hlan ah meisathattu Motor pa-5 ra in mei cu tidai thawn an

kap ih zing nazi 11 hrawng ah mei cu an phal mit thei sal. Hitawk ih kangmei ruangah

minung hliang aw le thi an um lo nan kang mei ih a siat suah mi hi kawlram paisa in

ting-4 man hrawng asi. Inn kang suah nak Inn teek pa cu Kalay Palik in an kai zo thu

don a si. Inn kang sungsang pawl cu Kalay Myo Tlawnginn No. 9 beu in khua an sa.

Lunkhua Inn kang

26.3.10 Mizzima/Net. Falam peng Lunkhua cu 25.3.10 sun dir nazi 12 ah a Lo vahnawh

nak meisa cun a hun peh ih Inn-11 a kang. Lunkhua hi Inn-18 um mi a si ih Inn-11 a

kang ih Inn-3 cu khuami pawlin an thet ih Inn-4 lawng tu ah a him in a um a si. Sun lai ih

kang a si ruangah Inn sungsang thilri ziang hman la man loin a kang fai thluh. Minung

thi le hlo cu an um lo nan an ranzuat mi Vok-14, Uico-3 le Me-2 cu mei in a kang that. In

kang inn sungsang pawlhi Lunkhua kiangte ih um Khawsum ah an ceng sung.

Falam ih sin 25.3.10 ah ttuanvo neitu pawl le ttanpitu dang pawl cu feh in bawm nak

Fang dip 29, Nga pih ‘huk 10, Cite ‘huk 15, Angki 40 le Puansinding 15 cu kengin

bawmnak an pe. Tui Inn kang nak ah kawlram paisa in ting-18 man hrawng a kang ral

ding ti ih zum a si.

Kanaan Inn kang

Sagai Division, Kalaymyo peng um Tamu zin ih Kanan/Khampat khua cu 22.3.10

zanlam ah Inn 10 leng a kang tiah Inn kan tuartu sungkhat hnen in thu don a si. Hi Inn

ang sungsang pawl cu sunkhat hnen ah ceng in an um ti thu theih a si. Thu famkim hi

khua mi le sungkhat hnen in theih le don a si hrih lo. Tui kum sung ah hin kawlram

hmun tinih Inn kang hi hmun-16 hnak ih tam a si. Mizzima

Tio leh Hmunluah lak zin lai

25.03.10, FT. Tio leh Hmun Luah lak cu Jeep road laih rero lai a si. Hi zin hi Tio in Lian

Hna, Haiheng, cun tu ah  Cawh te tiang laih thluh a si zo thu hi zin lai tu hnen in thudon

a si . Hi mi Jeep road hi Champhai ih um Pu Khuang Luai hin Laitlang ‘hansoh nak tuah

a duh ruangah a pa  Pu Lal Thio (Phunte khaw lal) hngilh lo nak ti hmin hmangin project

tuahin a laih sak mi a si.

Pu Khuang Luai hi Phunte khaw lal Pu Lal Thio ih fapa a si ih Laitlang ‘hansoh nak ruat

in hi lamzin laih nak dingah an mai JCB (tank) pa-2 hmangin a lai. Cun an thlen nak

khua pawl in ei le in le a ‘ul mi thil dangdang thawn an rak bawm ve.  Hiti vekih ‘antlang

nak ruangah kan tumtah vekin hlawh tlin nak kan nei tengteng ding ti thu ‘uanvo neitui

hnenin thu donbet a si.

Tio le Rih Khawthar zin cek zo

25.03.10 FT. Tio le Rih khawthar lak cu Kawlralkap  pawl ih tawlrel nak in Truck road zinpi kau takih

laih a si zo. Hi tawkih tiva a um mi Ti Nga khal cu world bank pawlih bawm nakin Thir

Lilawn ‘hazet thawn don a si ih motor khal lilawn zawh in duhtawk an feh thei zo. Hi mi

zin lai tu JCB (tank) neitu cun tu tiang zin laihman Kawlralkap hnen ih sin kan donghrih

lo ti thu a sim. Asi nan lairam sung ‘hansoh nak pakhat a si ve ruangah paisa kan don lo

khalen kan di a riam ko ti thu a sim bet.

Kawlram Thuthang

NLD in register a tuah le 24 Peng in pomlo ding

24.3.10. Mizzima. NLD party in Suu Kyi tel lo ih register a tuah a si len Ram`hen 3 ih Peng 24 palai pawl cun kan pompi lo ding ti thu an puang.

Suu Kyi tel lo ih register tuah a si len kan pom lo ding tiah ramkulh, ram`hen palai 24 cun  an lungkim lo thu an sim zo ih atang lai mi Ram kulh, ram`hen palai pawl khalin tuithla-27 ni netabik in an ngaih dan an pe thluh ding a si ti thu an palai cun a sim..

2008 Rampi Daan Hrampi an tuah mi parah NLD in an (1). Daan an tuah mi rem ‘hat sal ding (2). Politic ruangih thawntla pawl suah thluh ding (3). NLD thawn tongaw in thu‘ha rel tlang ding ti mi dilnak an rak pe. Ralkap pawl cun an pomsak lo ruangah tui‘um hrilawk nak ih an tel thei lo nak sawn a si thu ram‘hen palai hotu U Khin Maung Sein in a sim.

Cu ruangah tui‘um hrilawknak dingih party register tuah dingleh tuah lo ding thu ah cun kan zaaten kan pom lo a si  tiah NLD ram‘hen palai sungtel pakhat a si mi Daw Khin Saw Hte in a sim ve. Ziangah tilen hrilawk nak ih kan tel a si len Ralkap Uknak kuthnuai ah NLD cu kan lut ti nak a si ruangah kan duh hrimhrim lo a si tiah a ti.

NLD hin tui thla ni-29 ah Ram Kulh, Ram‘hen palai zaapi meeting ih register tuah ding le tuah lo ding thu rel ding an si ruangah an party pawl ruah dan leh ngaih dan an rak lak sung mi a si. Ziang tak bang kei hai maw! tui ni-29 NLD central committee meeting ah a fiang ding.

MNDF Hrilawk nak tel lo ding


25.3.10 Mizzima. Moon National Democratic Front cun Ralkap a co zah in NLD pawlih dil mi 2008 rampi daan hrampi a ngan mi rem `hatsal, Politic ih thawngtla pawl nan suah thluh ding leh tripitite dialogue (NLD, Ralkap, Tlangparmi) hite pathum biak awk nak ding a dil mi pawl ziang hman ngai poimawh lo ih a um san men ruangah kan tel thei velo a si ti thu a puang.

Tui ttum hrilawknak ah hin tlangparmi party pawl ih sin Shan party (SNLD), Arakan party

(ALD). Zomi party (ZNC) tvp… pawl thawn party 11 cun hrilawk nak ih an tel lo ding thu an

sim.

Malay ralkap pawl in Khin Maung Myint kaih ding hawl


Victory Recovery Sdn. Bhd (VRSD) company ah kum 4 hnatuan zo tu kawlpa Khin Maung Myint kum-26 cu Store khan sungih an ret mi suii ( Gold) le adang thilman khung dar (silver) Rm- 400,000 man a tlan pi. Atlan thu a thaizing a hnatuan nak ah an hmu nawn lo hnuah supervisor pa in athei suak lai ti a si. Palik pawl in kawlpa Khin  Maung Myint kai ding in nasa tak in an hawl rero laifang a si.

The straight Time


Leitlun Thuthang

Samsung Company Hotu Ngaidam sal

Samsung Company hotu, Lee Kun-hee cun a hna ih si kum 2 a chawlh hnuah ngaidam

a si ruangah, a hna kel a sunzawm leh. Kum 68 mi, Lee Kun-hee hin, a pa ih a din,

Samsung company-ih hotu bik sinak,  kum 20 sung a rak kai zo ih, siah a pe lo theu ti

hmuh suah a si hnuah,  kum 2008 April thla khan a hna ih sin a bangih, amah hi South

Korea ram lawng si lo, Leilungtlun pum huapih sumdawng thil ti thei bik lakih tel a si

ruangah, an ramin kum 2018 Winter Olympics a thlennak ding khalah mi pawimawh tak

a si ih, Hi ruangah hin an ram President cun nikum December thla ah khan a thubuaiah

ngaidam a si ti puangin, International Olympics Committee-ah khal an ram aiawhih a tel

leh thei ding thu a phuang nghal ih, thubuai hlihsak a si ruangah a company-ih

thuneihnak hmuah hmuah khal a nei kir sal thei a si.

Israel in Inn 100 sakbet ding

24.3.10 AP. Israel Prime Minister Benjamin Netanyahu le US President Barack Obama

in 22.3.10 sunih tonawk thurel tlangnak an neih thluh hnu ah Israel cun Jerusalem

suahlam ah Inn dang 100 sak bet dingin a phuang.

Hi tawkih inn sak ding pawl lakin Inn 20 cu thlam fatete ih sak thok a si dingih Jerusalem

suahlam ramri ih Shepherd’s Hotel (Tuukhal tu Hotel) ti ih hmin thang hmunlaili ah a si

ding tiah Elisha Peleg Leiram ‘uanvo neitun a sim.

Tui sak dingih an ti nak hmun hi nikum Israel Thurelnak Inn-pi (court) in Israel ram ti ih a

puan hnu ah Palestinain pawl cu ‘hawn ter le dawi suah an si nak hmun a si.

Palestinians pawlin Jerusalem suahlam hi an khawpi dingih an rak beisei ringring mi a

si. A sinan, Israel cun 1967 ah Jerusalem suahlam cu la kir sal zo ruangah tu khalah

anmai khawpi sicia ringring in an ruat.

Palestinian remnak tuahtu Saeb Erekat cun President Mahmoud Abba shin Israel in kan

dung ih Inn 1600 a sak tum mi pawl thawn sak lo dingih kham dingah `uanvo a nei tiah

a sim.

South Korea in Refugee rammi sinak pe

24.3.10 The Korea Times. Thlanglam Korea cun Refugee ramdang mi, Ethiopia ram mi

pakhat cu a rammi si nak (citizenship) cu tui Friday ah a pek ta riai. Tui hlan ah Philipine

hin refugee citizenship a rak pe dah ih tu Korea hi Asia ah ramdangmi citizenship petu

ram a pa hnih nak a si. Hi Ethiopia pahi 2001 ah an ram ih politic buainak ruangah a ra

tlan ih 2002 in UN ah refugee a dil ih refugee a ngah nak kumnga zik te ah hi ti vek ih

citizenship a ngah nak a si. Asia ram ah refugee pom dingin 1951 refugee convention ih

hmin rak sign tu hi ram mal te an si. Korea in refugee parih a tuah nak hi Asia ram UN

pom tu ram pawl hrang ah zoh ‘him thlak tak a si tiah Korea UNHCR spokesperson

Melissa cun lungawi zet in a sim.

Guantanamo Bay Thawng tla Pawl

26.3.10 Zonet. US cozahin a Misual hleice deuh pawl a retnak hmun, Guantanamo Thawnginn cu

`hiahsal a tum. Hi thawnginn ih tla mi 3 cu Georgia ramah kuat an si. US cozah cun himi

3-pawl hi khuiram an si ti phuang lo hman seh, Georgia Interior ministry thuphuangtu

cun Middle East mi an si ti a sim. Hi ti vekih thawngtla pawl, an ramih lakluh an siansal

nak hi US thawn pehzom awk nak `ha an neih theinak ding lam zin a si ruangah tiin

Georgia National Security Council hotu cun a sim.  Kan theih zo vekin US President

Barack Obama a Lal hnu reilo te ah Guantanamo Bay thawnginn hi khar a si ding ti a

phuangih, thawngtla tamsawm khal suah ding an si thu a sim, Hi mi hnuah ram

dangdang ah thawngtla pawl cu an ram ih lalut dingin a dil. Mitam zet cu an ram ih kuat

an sin nan tu hi thawnginn ah hin mi 183 hrawng an um lai. Ram ih kuat mi thawngtla

pawl hi a rak co hlangtu ram pawlin thawng an rak thla sal nawn lo ding nan ram dang

feh suah cu an siang lo ding.

Bush le Clinton Haiti harsa  hnatuan tlang

24.03.10 AP. US ram president tuanveve dahtu George Bush le Bill Clinton te pahnih cu tubaite ih thlisia ih hnuai hrep mi Haiti ah harsa tuar pawl vehvaih nak an nei. Hih thlisia hnamhuainak ruangah minung 230,000 an thi ral ih minung 1.3 millions pawl cu umnak ding inn nei lo ah an cang theh.Hih miharsa pawl bawmnak dingah US $ 11.5 billions rori cem atul. Cule Company hrekkhat pawl in Haiti khua tungdin salnak ding hrang sumdawngnak investment tuah in amah Haiti khuami pawl khal hnatuan annei sal ding hnatuan vek tulrel sak ding in Maxima SA woodworking Plant ih manager Evelien Degier cun ra tlawng tu president hnenah simfiang nak a nei. President ra tlawng nak thuhla ah mipi sung sin lungawi lo tu khal a um hnuihni ziangahtile zianghman bawmnak ding keng lo kut lawng in an ra ruangah ti asi. Clinton cun website lamsin khal bawmnak tampi dil ding in a forh hnai nan Indonesia Tsunami vek cun ei ruk um lo felfai te’n tuah ding a cah ta hngai.

(Visited 93 times, 1 visits today)

Comments

comments

2 Comments

  1. Falam time kan ram hrang dam ring2 aw.

Comments

%d bloggers like this: