2100 kum ah leitlun pampi thlung ding?

13-01-2009: Leitlun cu siatlam a pan vivo nan tive lo maw? Kan dunglam kum (2) ihsi khan leitlun a hlum thawk. Anini in, leitlun a hlum vivo ruangah hmuan rawl cinmi le loram rawl pawl cun an keel an awhthei nawnlo ta riai.

Leitlun nikhuazohtu le lolam hnatuantu pawl cun hmunkip ah paam a tlung dingih leiltun mipum thenkhat cu rilrawng in mual an liam ding tin an phuang. Leitlun hi a sa vivo lai ding.

Lo ih a rawlsuakmi rawl pawl cu mipi in an khawpkham nawnlo ding ruangah kum 2100 ahcun leiltun ah paam rapthlak a thleng ding tin an phuang.

Food Security le Environments thuneitu pawl cu an thinbang zet. Leitlun mifimthiam pawl khal in hi harsatnak thuthawn pehpar awin meetingnak tampi an nei zo.

An relsuahmi le an hmuhsuahmi cu 2100 ah paam a tlung ding timi le cumi hlan ah leiltun ram thenkhat ah rawl lo ih thi siarcawklo an um ding ti a si.

Mifim pawl cun hivek thil ramthlak a hlen ding hi zatek 90% rorin an zum thu an rel tel.

Zirsang researchers a tuahtu pawl cun ni a sattuk ding ruangah thingthei pawl an rah thei nawnlo ding bakah daifim pawl a tla thei nawnlo ding ruangah thingkung an ro vivo ding.

Hivek ih pam nasa tak thleng dingmi cu a tu ihsin a thawk rero thlang a si. Hi paam rapthlak tak cun, a hmaisabik ah mipi Billion (3) a siatsuah cih ding tin an phuang. 

Comments

comments

Comments

%d bloggers like this: