2015 Hrilawknak Ah Suu Kyi In President Dinhmun Cuh Theinak Nei Maithei

3.-Burma-405x250

IRRAWADDY NEWS : Kawlram President Office ih miniter Aung Min cu, US ih khual a tlawnnak ah, Kawlram mi pawl hnen ah thusimnak a nei ih, “Mipi ih lungkimlo mi 2008 dan hrampi cu zohsal asi dingih, rem asi hnu ah cun Aung San Suu Kyi cun Kawlram President dinhmun hi 2015 hrilawknak ah cuh theinak a nei ding” tiin asim.

Cumi thu ah, Kawlram sung ih lalnak co rerotu USDP party ih vice president Htay Oo cun, “Kan nih party cun 2008 dan hrampi zohsalnak neih ding thu ah ruahnak kan nei hrihlo. Rem duhnak nei khal sehla rem theinak kan nei lo” tiin asim. NLD ih an upa Win Tin cun, “2008 dan hrampi zohsal asi hman ah, Aung San Suu Kyi hrangah President si cu a awllo zet ding. Amah duhlo tu party pawl intheihtawp suahin tan an la ve ding. Curuangah, Suu Kyi hin lower le upper ( houses ) parliament ihsin bawmnak thazet a neih a tul ding” tiin Irrawaddy thuthang ah asim.

(Visited 119 times, 1 visits today)

Comments

comments

Comments

%d bloggers like this: