2013 USA Chin Kum Thar Puai, Indianapolis Ah

1012409_444601708971936_176688579_n

Kumtin Laimi hrang ih caan sunglawi le nuam tak ih hman ringring theumi cu Lai Kum Thar Puai ( Chin New Year Festival ) hi a si. Hi tikcu caan hi, thu le hla, hlasak le lam, lehnak phunkim le thusim tha zetzet thawn can hman a si ringring theu ih, Laimi leng le val hrang ih can hleice pakhat a si. 2013 khal ah, leitlun hmuntin ah Laimi pawlin Kum Thar Puai hi hmang dingin timtuahnak neih rero a si. Khawitawk ram ih hmanmi ha tuikum ah nuam bik ding ti ih kan suhawk a si le, “Mah le kan hmannak hmun a nuambik” ti hi a lehnak ding cu a si.

Pathian lamhruainak in leitlun hmuntin ah laimi kan thleng thlang. Kan thlennak hmuntin ah, Laimi kan sinak nunphung hngilh lo in Kum Thar Puai hi hman ringring a si. USA ih um, Laimi pawl khalin, 2013 Lai Kum Thar Puai cu hlunghlai zet ih nei dingin CCUSA le ICC pawlin tanla in an tuan rero. 2013 USA ramsung ih ummi zate hrang ah Lai Kum Thar Puai cu, Agust 30-1 September ah tuah / hman a si ding.

Kumtin in Lai Kum Thar Puai hi USA ram ah hman a si thlang. Nikum lam ah, Michigan, Battle Creek cun inntek tuanvo la in nuam zetin hman a rak si. Tuikum ah, USA ramsung ih Laimi Khawpi, Indianapolis ah hman a si ding ih, danglam hleice ih hman ding tumtahnak khal hohatu lam ihsin khawkhannak an nei.

No-Than-Kap-580x435

Tuikum ih tuah dingmi Lai Kum Thar Puai hin, danglamnak tampi a nei ih, cumi sung ihsin a danglamnak 4 in tarlang sehla :

1. USA ramsung ih Laimi tamnak, Lai Khawpi Indianapolis ah thum a sinak ( Indianapolis hi tawkfang cun Chindianapolis an ti mai thei – Capoh thubet ).

2. Chin TV International cun, LIVE rori in leitlun hmuntin ih ummi Laimi zate hrang ah a thlah ding. A sunglawi hleice cuang.

3. Chin Affair Minister, Dr. No Than Kap cu khuallian ah sawm a si ih, laimi Pa Bik dinhmun ih hnatuan rero tu ih 2013 Lai Kum Thar Puai a telpi ding timi hi a sunglawi hleice cuang.

Kumdang ih tuah theu bangin, tuikum khal ah, Chin Person of The Year khal hril a si ding. Kumdang ih tuah theu bangin zuamawknak a phunphun a um ding ih, USA ramsung, State tinkim deuhthaw ihsin Laimi pawl suakkhawmin hlunghlai zetin zuamawknak hi neih ding a si. Zuamawknak ih telh dingmi pawl tla cu :

1. Football – Mipa lawng a si ding ih, State 13 ihsin Team 13 suakkhawmin zumawk ding a si.
2. Volleyball – State tin ihsin Mipa / Nunau zuamawknak a um ding.
3. Sparkteraw ( Chinlung ) – Mipa lawng zuamawknak neih a si ding.
4. Tennis – Mipa / Nunau zuamawknak a um ding.
5. Pakzai- State 8 ihsin zumaw ding an si ih, nehnak cotu cu, USA Chin Singer timi hmin a nei ding.
6. Laithuam – State 7 ihsin Laithuam mawi zuamawknak a um ding.

12964_342478049216248_595994531_n

7. Lengnu Mawibik – State 12 ihsin Chin Lengnu pawlin zuamnak an nei ding.
8. Calai – Cahram ngan zuamawknak a um ih, thusuhnak le Biazai, pipu anka pawl khal zuamawknak a um ding.
9.Lungden – State tin ihsin rinsanmi Mipa / Nunau pawl an zuam aw ding. 10. Tabel Tennis – Mipa / Nunau zuamawknak a um ding.
11. Hridirh – State tin ihsin rinsanmi, micak mipa pawlin hri an dir aw ding. Zuamawknak ih teltu ding, State aiawh tu ding pawl khal an zaten tu cun an man thepthep zo ih, zuamawknak ih pakhatnak ngahtu ding lawnglawng an si thlang.

August 30, 2013, Tlawngkai Ninga zan ah, lai Kum Tha Puai hmannak hall ah khawmnak le hlasaknak in can hman a si ding. Cumi tum ah, Laimi lak ih hlasak thiam kan neihmi pawlin hlasaknak in can an hmang ding. Hlasaktu ding pawl tla cu :

1.Salai Tuan Ling Thang
2.Kurbungbel
3.Kunrirak
4.Salai Phu Khaw
5.Salai Ma Ruat
6.Mai Ngen Nei
7.AB Thang (Band
8.Salai Thangte
9.Kai Lily Thang
10.Salai Chris Lal Ci
11.Uk No
12.Sang Nei Rem (Band)
13.Mercy Thang
14.Ngun Tha Sin
15.David Bawi
16.Emily Mawi
17.Van Bawi Lian
18.Salai Nathan
19.Britney Kim
20.Ma Tluang
21.Elizabeth Sui
22.Ma Chuan
23.A Ṭa.(Sawm mi)
24.Emily.(Sawm mi)
25.Spi…..(Sawm mi)
26.Myo Myo (Sawm mi)
27.Ma Hmen (talent show)
28.Rebecca le rualpi (talent show)

0

Cun, Lai Kum Thar puai ih Awnmawi ( Music ) tuanvo  latu ding pawl tla cu :
1.Lead. Salai Lai Lung lian
2.Bass. Salai Tuk Tuk
3.Drum. Salai Za Lian
4.Keyboard. David Mung

USA ramsung ihsin a rasuaktu Laimi zate hnen ah, sawm duhmi le cah duhmi a um. Voi tampi cu, puai nikhua ih kan suahkhawm tik ah, zuri lo le kuva keu / khai lo ih um kan thiam lo theu. Puai nikhua ih zurit tla cu Laimi hin dan ah kan neih zik theu ih a poi ngaingai. Curuangah, Laimi zate in, zuk le hmuam lam ah ralringte in kan umtlang ding.
USA ramsung ih ummi Laimi zate in, 2013 Lai Kum Thar Puai, August 30-1 September ih tuah dingmi ah, lungawi te ih tongkhawm aw dingin tim rak tuah cio uhsi. Ramleng ih ummi Laimi pawl khalin, USA ramsung ih Lai Kum Thar Puai tuahmi, Chin TV tuanvo neitu pawl ih pumpeknak ih Live thlahmi rak zoh cio ding khalin sawm kan si.

 

(Visited 351 times, 1 visits today)

Comments

comments

Comments

%d bloggers like this: