2013 Passion Conference USA Ah

100591ATLANTA, USA ( The Christian Post ) : USA ramsung le ramleng ihsin tlawngta mi 60,000 pawl cun, January 1-4 tiang USA ram, Atlanta state khawpi Georgia ih Georgia Done and Georgia World Congress Center ah hlunghlai zet in Passion conference neih asi. Cutawk ih an hotu Louie Giglio cun, “Tuitum ih passion conference kan tuah theinak hi a sunglawi ngaingai asi” ti in a thoknak zan ah asim.

USA ramsung ih University 50 ihsin tlawngta, ram 55 ihsin tlawngta le college 2,200 ihsin tlawngta pawl tongkhawm aw cun nuam le hlunghlai zet in hitawk conference ah Pathian biakkhawmnak an nei. Giglio cun, “ Kum 18-25 karlak zumtu pawl hin, an nunnak taktak in Jesuh Khrih an theihngah ih, an hnu ih ra umlai ding an nau le hnen khal ah Jesuh Khrih ih tetti tha an si zia an langter ding hi kan saduhthah cu asi” ti in a sim.

Kum 1995 kum ih Korea Christian mi 60,000 pawl ih biakkhawmnak an neihmi khal hmuhnak an nei ih, Pathian in mino pawl hmang in leitlun ih hna atuan vivo ding hi an duhtusam asi thu khal asim bet. Ezekiel 36-37 le Mark 9 nak Bible tla siartlangnak nei in, John Piper, Francis Chan, Beth Moore le midang Pathian mihman zetzet pawl in thuthangtha simnak khal an nei. Hi Passion Conference tuahnak hi tuikum hi kum 18 nak asi thlang.

Comments

comments

Comments

%d bloggers like this: