2013 Chin Ram Tlawngtu An Tam Sinsin

Ding Dong
Chinland Today
10 January 2013

Falam: Kum dang thawi tahṭhim cun tuikum ih Chin ram ih tlung vak sukso hi a let zik te rori in an tam ding tiin zum a um thu Chin ram ih Bus mawṭaw neitu pawl cun Chinland Today an sim.
A hleice in Christmas le kumthar ruangih ram leng suak, Chin mi ziang maw tizat ram sung ih rat lung, Chin ram ih nu le pa ra tlawng an tam luarce. Falam ihsin Kalaymyo tlan Pyi Chit Taa Bus khal nitin minung khat hnenhnen rori in a totu nitin an um tiin Chinlan Today cun thu kan dawng.

Kum dang ahcun hitluk in Bus totu hi an um tuk lemlo, nikhat hnih tiang duh tiang ticket khal an leithluh cia tiin Hakha – Falam- Kalay tiang tlan Chin Taung Tan, Golden Lion le Pyi Chit Taa Bus Gate ṭuanvo neitu pawl cun an sim.

Chin Taung Tan, Golden Lion le pawl hi tlawngkai nikhat ihsin zarhte tiang Hakhat ihsin pok in Falam khawpi cu zinglam 10:30 ah an thleng ṭheu. Hakha – Falam – Mandalay khal a um konan zarhkhat ah ni hnih lawng an tlan ih tlawngkai nihnih le zarhte lawngah an tlan theu. Falam ihsin Kalay tlan cu Pyi Chit Taa a siih zing 7:00 ihsin a suak ṭheu.

Comments

comments

Tags:

2 Comments

  1. Lungawi um ve!
    Chin Ram tlawng tu tam sinsin hram seh!

  2. William N.Lyan says:

    Dear Ding Dong:

    Happy Newyear tiah kumthar cibai kan lo buk. Ramdang mikhual, Khualtlawg Chin ram ah an tam sin sin heading na tar lang mi ka rak siar ih 2012 may thla falam ka va tlun lai ka vun mang ih ka lung a leng tir nasa.
    A cang thei len neta lam khal ah tu ti vek information tampi in run tar lang sak vivo hram aw.Ram dang um kan Chin mi pawl in a siar le a theih le zuk ih rak hmuh hrim hrim ni tin kan hiar bik le kan cak bik mi a si.
    Fr exam. Flm-Kale Chin-Taung-tan Bus fee ziang zat,Golden Lion Bus ah cu zat ti vek tte tla siar nuam zawng in in sim phah vivo hram aw.
    Ziang ah ti len USa ah kan um kan ti nan kan khua le kan ram ngai nak thinlung a khat zawk rero ttheu ih hnem tu ttha bik ah na run cang tir thei tin ka hmu ih comments mal lai ka run ngan ve.
    Phaihleng hla: A taap ta lai in ti maw laicin sempi te tla hin, Mai suah nak khuate hngilh kel um maw sai ka dawt thawi kan len nak tiah ka lo leh ta.
    Ka lung a awi zet. Damten.
    Liante Pa/Atl.Ga.

Comments

%d bloggers like this: