64th CND South Korea Ramah Hmang

Seoul: A ttum 64 nak Chin National Day cu South Korea ih um mi Chin mi pawl in sunglawi leh danglam zetin an lawm. Tui kum hi South Korea ah vei 11 an lawmnak a si. South Korea ih Laimi siar tlak ngaingai an rak um theu lo ruangah a hlan ahcun a hmin sang menmen in rak hman a si theu. Tui kum a ttum 64nak Chin Natioanal Day cu sunglawi leh danglam zetin Seoul khawpi ah kan Lai mino leng le val pawl in Live Music Show leh Fashion Show mawi zetzet thawn lawmnak an nei.

“Kan zaten kan lungawi tuk lamah kan biangah kan mithli a luang ih kan lung a zur” tiin South Korea ih Chin Community Hotu Richard Van Bawi Lian cun CT palai hnenah a sim. Tui niih kan hman mi Chin National Day cu a vei 11nak si hman sehla a Chin mi kim zet leh hlunghlai zetih kan hman veikhatnak a si ruangah kan theih hngilh thei dah lo dingmi kan thuanthu pakhat a si tiin ka ruat’ ti khal cun a sim bet. Hnam dang leh miphun dangdang ziang maw tizat khalin an tel piih nuam an ti zet thu khal an sim.

I Love Myanmar dintu Pi Levi Sap Nei Thang khalin hi Chin Phunpi Ni an lawmnak hrang cakuat a kuat miin a ti picang in South Korea ih Chin Community ih an dawn hmaisabik cakuat khal a si. A cakuat ahcun:-

I honor the Chin National Day.
Though Chins are despised and mock, Chins forgive.
Though Chins are ignored, Chins have loyalty.
Though Chin state is undeveloped, Chins have high moral.
Though there is no proper concrete road in Chin state, Chins go around the world.
Though there is no University in Chin state, Chins are educated.
Though Chin state has no resources, Chins donate to the World
Though Chin state is neglected by the government, God is always
present with Chins.
Amen

Lai Phunpi Ni Upatnak Kan Lo Pek

Laimi pawl cu nautat an tuar ko nan, laimi cun an ngai thiam
Laimi pawl cu hnong an tuar ko nan, laimi pawl cu rinum ten an um
Lairam a thangso lo nan, Laimi pawl an thangso
Lairam a pitling lo nan, laimi pawl ih ruahnak cu a pitling vingvo
Lairam ah lamzin tha  a um lo nan, Laimi pawl in leitlun an hel.
Lairam ah phunsang  tlawng a um lo nan, laimi pawl cu mifim thiam sang an cang.
Lairam ah hlawnthil mankhung a suak lo nan, laimi pawl cu rampi huap ih ahlu petu an si..
Laimi pawl cu kawlram acozah pi in ziang a siar lo nan, Vancung ih pathian cun an hnen ah a um pi ring ring. Amen.

‘Pi Levi Sap Nei Thang ih message kan siar lai tla ahcun a siartu siseh, a rak ngaithlatu siseh, kan mitthli  a luangin, kan lung nasa zetin a zur. Kan thinlung in cawktho ih kan miphun le kan ram dinhmun kan thinlung mitthlam ah zuknung vekin a rung lang. Pi Levi Sap Nei Thang ih message hi hmual a nei zetih, CND kan hman dan a ti danglam in sullam a neihter phah nasa. Cuiruangah Pi Levi Sap Nei Thang parah Chin Community in Korea in lungawinak tumpi kan nei a si’ ti khal cun Richard Van Bawi Lian cun a sim bet.

Korea ramah Laimi 200 hrawng an um ih, Hakha mi an tam bik. Cun Korea ram ahhin Kawlrammi (Myanmar) 5000 hrawng an umih,cumi sungah EPS ( Employment Permit System) in Korea ih a luttu Laimi cu mi nung pahnih(2) lawng an si. Koea ih um laimi 95% cu hnatuan ih um an si.

Zuk Hinah Zoh Bet : Chin National Day, South Korea