Rakhain State Ih lawng Cangsual Ah Tlawngta 5 Thi

Irrawaddy | Januray 27

Rakhain State, Bu-Ti-Tawng Township ah tlawngta pawl tomi lawng a cangsual ih tlawngta 5 in nunnak an hloh thu thuthangca in atarlang.

Tlawngta 18 pawl cun Rakhain State, Bu-Ti-Tawng Township, Nua-Shun-Tawng khua ihsinSe-Di-Tawng khua ih tlawngkai dingin lawng thawn an fehlai ah an lawng cu pawpin a pil ruangah mi 5 in thi ih a dang pawl cu an himdamte’n ti ihsin an suak a si.

Thutheitu in a rel dan ahcun hi tiva ah ti a lian canah mipi cangsual an um theu ih tu’itum cangsualnak khal hi a veikhatnak a silo thu a rel. Fimthiamnak duh ih tlawng a kai rerotu pawl hivek ih an nunnak an hloh mai cu khua mipi in an ui in tlawngta pawl hrangah tlawngkai ding in khua dang pan tul nawn lo ih mai khuaah tlawng an kai theinak ding hrang tlawnginn an dil rero lai thu khal a rel tel bet.